لابوراتواردا اۆره‌تیلن تویوق اتینه مجوز وئریلدی

آمریکادا لابوراتواردا اۆره‌تیلن تویوق اتینین اینسان مصرفینه ایلک دفعه ایجازه وئریلدی.

بی‌بی‌سی تۆرکجه‌نین خبرینه گؤره، آمریکا غذا و درمان ایداره‌سی، تویوق حجره‌لریندن کولتور/اکین اورتامیندا اۆره‌تیلن تویوق اتینین ساتیشینا اونای وئردی.

لابوراتواردا اۆره‌تیلن تویوق، جانلی حیوانلاردان آلینان گؤزه/حجره‌لرله الده ائدیلدی.

۲۰۲۰.جی ایلین دسامبر آییندا سنگاپور، تامامی ایله لابوراتواردا اۆره‌تیلمیش پروتئین ساتیشینا اونای وئرن ایلک اؤلکه اولموشدو.

بو آرادا، لایف سیکل طرفیندن آپاریلان آراشدیرمایا گؤره، لابوراتواردا اۆره‌تیلن اتین ۲۰۴۰دا کۆره‌سل ات بازارینین یۆزده ۳۵ینی اولوشدورماسینی اؤن‌گؤرور.