ان بؤیوک تهدید مالی و سایبری سوچلار

مالی و سایبری سوچلارین، کؤره‌سل میقیاسدا تهدید نیسبتی ان یوکسک سوچلار اولاراق گؤرولدوگو معین ائدیلدی.

اولوسلارآراسی پلیس تشکیلاتینین (اینترپل) یاییملادیغی کوره‌سل سوچ میلی راپوروندا، اینترپلا عضو اولان ۱۹۵ اؤلکه‌دن پلیسلرله، موختلیف سوچلار و بو سوچلارین نه درجه‌ده تهلوکه احتیوا ائتدیگینه دایر سورغو گئچیریلدی.

قاتیلیمچی پلیسلرین یوزده ۶۷سی چیرکلی پوللارین یویولماسینی "یوکسک تهلوکه" اولاراق گؤره‌رکن، یوزده ۶۶سی ایسه باج یازیلیم سالدیریلارینی "یوکسک تهلوکه" شکلینده دگرلندیردی.

پلیسلرین یوزده ۷۲سی ۵ ایل ایچینده ساختا ایمیل و باج یازیلیم اۆزریندن سالدیریلارین اؤنملی درجه‌ده آرتاجاغینی گؤزله‌دیکلرینی سؤیله‌دی.

اینترنت اۆزریندن اوشاقلارا قارشی جینسی استثمارین دا آرتماسی گؤزله‌نیله‌ن راپوردا، ایشتیراکچیلارین یوزده ۶۲سی بو ساحه‌ده سوچلارین اؤنملی درجه‌ده آرتاجاغینی گؤزله‌ییر.