بیرینجیلیک ایلان ماسکین اولدو

فوربس درگیسینین، آمریکانین ان وارلی ۴۰۰ ایش آدامی لیستینده ایلان ماسک، گئچه‌ن ایله گؤره ثروتینی ۶۰ میلیارد دوللاردان چوخ آرتیراراق بو ایل ایلک دفعه بیرینجی یئردی توتدو

1885606
بیرینجیلیک ایلان ماسکین اولدو

تسلا و اسپیس اکس تکنولوژی شیرکتلرینین باش مودورو ایلان ماسک، فوربس ۴۰۰ سیرالاماسیندا ایلک دفعه بیرینجی سیرادا یئر آلدی.

آمریکانین فوربس درگیسینین ۴۱.جی دفعه آچیقلادیغی آمریکانین ان وارلی ۴۰۰ ایش آدامی لیستینه گؤره، ایلان ماسک، گئچه‌ن ایله گؤره ثروتینی ۶۰ میلیارد دوللاردان چوخ آرتیراراق بو ایل ایلک دفعه بیرینجی یئردی توتدو.

ایلان ماسک، ۲۰۲۲.جی ایلده ۴ ایل اۆست اۆسته بیرینجی سیرادا یئر آلان آمازونون اسکی اۆست یؤنه‌تیچیسی جف بیزوسو ایکینجی سیرایا یوللادی.

آمریکانین ان زنگین ایش آدامی اولان ماسکین بونو تسلا سهملرینده‌کی یۆزده ۱۱لیک سهم آرتیشینا بورجلو اولدوغو بیلدیریلدی.

لیستده، آمازون سهملرینده یۆزده ۲۷لیک بیر آزالما یاشایان  و ایکینجی اولان بیزوسو، ایش آدامی بیل گیتس ایزله‌دی.

فیسبوک قوروجوسو مارک زاکربرگ ایسه گئچن ایل لیستده ۳.جو یئرده اولسا دا، بو ایل ۱۱.جی یئره دوشدو و ایلک ۱۰ سیرالاماسینا گیره‌بیلمه‌دی.

سپتامبر ۲۰۲۱دن بو یانا ثروتینین یاریدان چوخونو (۷۶،۸ میلیارد دلار) ایتیره‌ن زاکربرگ، سون بیر ایلده ان چوخ پول ایتیره‌ن فوربس ۴۰۰ وارلیلاری آراسیندا بیرینجی سیرادا یئر آلدی.



ایلگیلی‌لی خبرلر