دارت، ۱۱ میلیون کیلومتر اوزاقداکی گزه‌گنی ووردو

دونیانین ساوونما تکنولوژیسینی سیناماق آماجی ایله اوزایا بوراخیلان اوزای آراجی دارت، یئر کۆره اوچون تهلوکه یاراتمایان دیمورفوس آدلی آسترویده تام واختیندا چارپدی

1885112
دارت، ۱۱ میلیون کیلومتر اوزاقداکی گزه‌گنی ووردو

آمریکا هاواچیلیق و اوزای آژانسینین (ناسا) اوزای آراجی دارت، دونیادان تخمیناً ۱۱ میلیون کیلومتر اوزاقداکی آسترویده/کیچیک گزه‌گنه، پلانلاشدیریلدیغی کیمی اوغورلا اصابت ائتدی.

دونیانین محتمل آستروید و یا قویروقلو اولدوز تهلوکه‌لرینه قارشی ساوونما تکنولوژیسینی سیناماق آماجی ایله اوزایا بوراخیلان آراج، یئر کۆره اوچون تهلوکه یاراتمایان دیمورفوس آدلی آسترویده تام واختیندا چارپدی.

آستروید یؤنلندیرمه تستینه حاضرلانان دارت اوزای آراجی، دیمورفوسو یؤرونگه‌سیندن منحرف ائتمک اوچون ساعاتدا تخمیناً ۲۳.۰۰۰ کیلومتر سرعتله ایته‌له‌دی.

توققوشما ناسانین اینترنت سایتیندان و بوتون سوسیال مئدیا حسابلاریندان جان‌لی یاییملاندی.

چارپیشما، گله‌جک‌ده تهلوکه یارادابیله‌جک گؤی جیسیملرینی اؤلچومله‌مک و اؤنله‌مک اوچون ایلک دفعه اولاراق تست آماجی ایله حیاتا گئچیریلدی.

توققوشما آنی، اوزای آراجینین اۆستونه یئرلشدیریلن کامئرانین یانی سیرا، هابل، وب و لوسی تلسکوپلاری طرفیندن ده ثبت ائدیلدی.



ایلگیلی‌لی خبرلر