گؤی‌اۆزونده بئش گزه‌گن بیر سیرادا گؤروله‌جک
بو گۆن، دیله‌ک (عطارد)، آلتون اولدوز (زهره)، اود اولدوز (مریخ)، ارَنتۆز (مشتری) و تورپاق اولدوز (زحل)، قوزئی یاریم‌کۆره‌‌دن باخیلدیغیندا گونشدن اوزاقلیقلارینا گؤره سیرالاندی
گونش سیستمینین بئش پارلاق گزه‌گنین اؤزل بیر دۆزولمه ایله بو گون سحر ساعاتلارین‌دان اعتباراً گؤی‌اۆزونده عینی واختدا چیلپاق گؤزله گؤروله‌بیله‌جگی بیلدیریلدی.
دیلی میل سایتینین خبرینه گؤره، بو گۆن، دیله‌ک (عطارد)، آلتون اولدوز (زهره)، اود اولدوز (مریخ)، ارَنتۆز (مشتری) و تورپاق اولدوز (زحل)، قوزئی یاریم‌کۆره‌‌دن باخیلدیغیندا گونشدن اوزاقلیقلارینا گؤره سیرالاندی.
گزه‌گنلرین دۆزولوشو بوتون ژوئن آیی بویو گؤروله‌جک.
دۆزولوشو گؤرمک اوچون ان یاخشی واختین، آلتون اولدوز ایله اود اولدوز آراسیندا بیر آی‌پارانین گؤروله‌جگی ۲۴ ژوئن اولاجاغی بیلدیریلدی.
دیله‌ک (عطارد)، آلتون اولدوز (زهره)، اود اولدوز (مریخ)، ارَنتۆز (مشتری) و تورپاق اولدوز (زحل) پارلاق گزه‌گنلر اولاراق آدلاندیریلیر.
ایلگیلی‌لی خبرلر
"تورکیه‌نین ساوونما صنایعی گلیشمیش اؤلکه‌لره کؤک سؤکدورور"
لندن مرکزلی ده اکونومیست درگیسی تورکیه‌نین ساوونما صنایعینده‌کی باشاریلارینا گئنیش یئر آییردی
