اردوغان: گؤیلره ان چوخ یاراشان بایراق آی اولدوزلو آل بایراغیمیزدیر
"میللی اوزای پروگرامیمیز چرچیوه‌سین‌ه بیر تورک وطنداشینین اولوسلارآراسی اوزای مرکزینه گؤندریلمه‌سی سۆره‌جینه رسمی اولاراق باشلاییریق"
جمهورباشقانی رجب طیب اردوغان میللی اوزای پروگرامی چرچیوه‌سینده بیر تورک وطنداشینین اولوسلارآراسی اوزای مرکزینه گؤندریلمه‌سی پروسه‌سینی رسماً باشلاتدی.
جمهورباشقانی اردوغان، باخانلار قورولو توپلانتیسیندان سونرا آچیقلامالار وئردی.
"میللی اوزای پروگرامیمیز چرچیوه‌سین‌ه بیر تورک وطنداشینین اولوسلارآراسی اوزای مرکزینه گؤندریلمه‌سی سۆره‌جینه رسمی اولاراق باشلاییریق" دئین اردوغان،
"بو میللی بیر وظیفه اولاجاق. اوزایا گؤندره‌جگیمیز وطنداشیمیز اؤزونون، یا دا تورکیه‌ده‌کی دیگر بیلیم اینسانلارین یئر چکیمسیز اوزای اورتامیندا ائتمک ایسته‌دیکلری علمی سیناق و تجروبه‌لری حیاتا گئچیرمه ایمکانی الده ائتسین.
بو میللی وظیفه‌یه مراجعت ائتمک اوچون uyuza.gov.tr آدرسینی اولوشدوردوق. ۴۵ یاشیندان کیچیک بۆتون تورکیه جمهوریتی وطنداشلاری بو وظیفه اوچون باش‌وورابیلر" دئدی.
باش‌وورلار آراسیندان سئچیله‌جک ایکی نامیزدین تورکیه‌نین بیلیم ائلچیسی اولاراق اوزایا گئتمه پروسه‌سی اوچون لازیم اولان بوتون تعلیملری آلاجاغینی قید ائد‌ن اردوغان،
"ائییتیملرین سونوندا ایکی نامیزددن بیری اوزرینه آلدیغی تاریخی وظیفه اوچون ۲۰۲۳ده اولوسلارآراسی اوزای مرکزینه گؤندریله‌جک. شبهه‌سیز گؤیلره ان چوخ یاراشان بایراق آی اولدوزلو آل بایراغیمیزدیر" ایفاده‌لرینی ایشلتدی.
ایلگیلی‌لی خبرلر
چین اوزایا یئنی بیر اویدو گؤندردی
۳ عدد "یائوگان-۳۵" اویدوسو، سیچوان ایالتینده‌کی شی‌چانگ مرکزیندن آتیلدی
