تورکیه‌یه اف-۱۶ ساتیشینین یولو آچیلیر
سلاح ساتیشینین کنگره‌ده تصدیقله‌نمه‌سی، تورکییه‌یه ۴۰ اف-۱۶ ساتیشینین دا یولونو آچابیلر
آمریکا یؤنتیمینین، تورکیه‌یه اف-۱۶ پارچالاری ایله بو اوچاقلاردا قوللانیلاجاق بعضی موشک و رادار سیستملرینین ساتیشی ایله باغلی کونگره‌یه بیلگی وئردیگی بیلدیریلدی.
وال استریت ژورنالین خبرینه گؤره، پرزیدنت جو بایدئن یؤنتیمی، اوکراینا ساواشیندا اوینادیغی رولون آردیندان اف-۱۶لارین تورکیه‌یه ساتیشینین دا یولونو آچابیله‌جک یئنی سلاح ساتیشی ایله باغلی چالیشمالارینی آرتیردی.
بونا گؤره بایدن یؤنتیمی تورکیه‌یه اف-۱۶ پارچالارین ایله بو اوچاقلاردا ایستیفاده اولوناجاق موشک و رادار سیستملرینین ساتیشی ایله باغلی کنگره‌یه لایحه گؤندردی. کنگره لیدئرلرینین بو ساتیشا اعتراض ائتمه‌مه‌لری حالیندا، یاخین گونلرده کنگره‌یه رسمی ساتیش بیلدیریشینین ائدیلمه‌سی گؤزله‌نیلیر.
یئتکیلیلر، بایدن یؤنتیمینین بو آددیمیندا تورکیه‌نین ۲۴ فوریه‌دن بری ساواش حالینداکی روسیا ایله اوکراینا آراسینداکی دانیشیقلارا اؤنچولوک ائتمه‌سی و اوکراینا اوردوسونا (سلاحلی اینسانسیز هاوا آراجی) سیها دستگی وئرمه‌سینین تأثیرلی اولدوغونا دقت چکدی.
آیریجا، یئتکیلیلره گؤره، بو سلاح ساتیشینین کنگره‌ده تصدیقله‌نمه‌سی، تورکیه‌یه ۴۰ اف-۱۶ ساتیشینین دا یولونو آچابیلر.
آمریکا دیش ایشلری باخانلیغیندان وال استریت ژورنالا وئریله‌ن آچیقلامادا ایسه تکلیف رسمیلشه‌نه قدر بو قونو ایله باغلی آچیقلاما وئریلمه‌یه‌جگی بیلدیریلدی.
آمریکا دیش ایشلری باخانلیغی ماری آییندا کونگره‌یه گؤندردیگی مکتوبدا اف-۱۶لارین تورکیه‌یه ساتیشینین آمریکانین میللی ماراقلارینا اویغون اولدوغو دگرلندیریلدی.
