بایراقدار: تورکیه‌نین ایهالاری، دونیانین ان یاخشی هاوا آراجلاریدیر
سلجوق بایراقدار قطر مرکزلی الجزیره تلویزیونونا وئردیگی مصاحبه‌ده، دونیادا حیرانلیق یارادان یئرلی ایها و سیهالاری دگرلندیردی
بایکار تکنولوژی لیدئری سلجوق بایراقدار، تورکیه‌نین اۆره‌تدیگی انسانسیز هاوا آراجینین (ایها) دونیانین ان یاخشی هاوا آراجی اولدوغونو بیلدیردی.
سلجوق بایراقدار قطر مرکزلی الجزیره تلویزیونونا وئردیگی مصاحبه‌ده، دونیادا حیرانلیق یارادان یئرلی ایها و سیهالاری (سلاحلی انسانسیز هاوا آراجلاری) دگرلندیردی.
تورکیه‌نین سیهالارینین سوریه‌نین ادلب شهری و آذربایجانین قاراباغ بؤلگه‌سین‌ده الده ائتدیگی باشاریلارا توخونان بایراقدار، ت‌ب۲لرین دونیانین ان مشهور سیهالاری اولدوغونو و ۱۶ اؤلکه‌ده فعالیت گؤستردیگینی بیلدیررک،
"ت‌ب۲لر ۲۷ ساعات هاوادا قالاراق، یوزلرجه کیلومتر مسافه قطع ائتمه قابلیتینده صاحب، ۱۳۰ کیلوگرام یوک داشییابیلیر، اولدوقجا حساس عاغیللی حربی تجهیزاتلا دونانمیش وضعیتده" ایفاده‌سینی ایشلتدی.
آوروپا اؤلکه‌لرینین تورکیه ایله مقایسه ائدیله‌جک پلتفورملارا صاحب اولمادیغینی خاطیرلادان بایراقدار، ایها صنایعی ساحه‌سینین آمریکا، چین و اسرائیل طرفین‌دن ایشغال ائدیلدیگینی آنجاق تورکیه‌نین بو ساحه‌ده دونیادا ایلک اوچده اولدوغونو دیله گتیردی.
تورکیه‌نین بو ساحه‌ده خاریجه آسیلیلیقدان قورتولدوغونو وورغولایان بایراقدار، انسانسیز ساواش اوچاقلاری ایله باغلی چالیشمالارین ایسه داوام ائتدیگینی سؤزلرینه علاوه ائتدی.
