طب نوبل اؤدوللو مونتانیه اؤلدو
آمریکا خسته‌خاناسیندا حیاتینی ایتیره‌ن مونتانیه‌نین اؤلوم سببینه باغلی بیر آچیقلاما وئریلمه‌دی
ایدز خسته‌لیگینه یول آچان اچ‌آی‌وی‌نی کشف ائتدیگی اوچون ۲۰۰۸ده نوبل طب اؤدولو وئریله‌ن فرانسالی ویرولوگ لوک مونتانیه ۸۹ یاشیندا حیاتینی ایتیردی.
۸ فوریه‌ده فرانسانین باشکندی پاریسه یاخین نویی-سور-سن شهرینده‌کی آمریکا خسته‌خاناسیندا حیاتینی ایتیره‌ن مونتانیه‌نین اؤلوم سببینه باغلی بیر آچیقلاما وئریلمه‌دی.
مونتانیه سون دؤنمده یئنی نسیل کوروناویروس (کووید-۱۹) و واکسن قارشیدی ایفاده‌لری سببی ایله تنقیدلرین هدفی اولموشدو.
لوک مونتانیه، فرانسواز باره-سینو‌سی ایله بیرلیکده ۱۹۸۳ده ایدزه سبب اولان ویروس اچ‌آی‌وی‌نی کشف ائتدیکلری آراشدیرما سایه‌سینده ۲۰۰۸ده نوبل طب اؤدولونه لایق گؤرولموشدو.
فرانسادا ۱۹۷۲دن ۲۰۰۰ه قدر پاستور انستیتوسو ویرال اونکولوژی بیریمینین باشیندا اولان مونتانیه، اؤلکه‌ده‌کی میللی علمی آراشدیرما مرکزینده فخری آراشدیرما مودورو اولموشدو.
