یئنی بیر ایشین کشف ائدیلدی

کورتین بیلیم‌یوردوندان بیر قروپ، هر ۲۰ دقیقه‌دن بیر گلیب گئدن یئنی بیر ایشین نؤوعو معین ائتدی

1769085
یئنی بیر ایشین کشف ائدیلدی

استرالیادا بیلیم انسانلاری، گؤی اۆزونده هر ۲۰ دقیقه‌دن بیر یانیب سؤنه‌ن یئنی ایشین/شعاع کشف ائتدی.

گاردینین خبرینه گؤره، کورتین بیلیم‌یوردوندان بیر قروپ، کاینات‌داکی رادیو دالغالاری ایله باغلی آراشدیرما ائتدی.

آراشدیرماچیلاردان تیرون او'دوهرتی، یئریتدیگی آراشدیرما سیراسیندا هر ۲۰ دقیقه‌دن بیر گلیب گئدن یئنی بیر ایشین نؤوعو معین ائتدی.

آراشدیرمایا رهبرلیک ائد‌ن آستروفیزیکچی دکتر ناتاشا هورلی-والکر، میلی‌ ثانیه‌ده و یا ثانیه‌ده یانیب سؤنه‌ن ایشیغین پولسار (نوترون اولدوزو)، بیر نئچه گون عرضینده یانیب سؤنه‌ن ایشیغین ایسه سوپرنوا قایناقلی اولدوغونو، آنجاق یئنی کشف ائدیله‌ن ایشیق نؤوعونون هر ۲۰ دقیقه‌ده بیر گلیب گئتدیگینی بیلدیردی.

هورلی-والکر، یئنی ایشیغین قایناغینین بیلینمدیگینه دقت چکه‌رک، بو ایشیغین تخمیناً ۴ مین ایشیق ایلی کیمی یاخین بیر مسافه‌دن گلدیگینی ایفاده ائتدی.

او'دوهرتی ده شعاع نؤوعونون، وار اولدوغو دوشونوله‌ن آنجاق هئچ واخت مشاهده اولونمایان بیر نوترون اولدوزو اولان "مگنتار" اولابیله‌جگینه دقت چکدی.

او'دوهرتی گؤی اۆزونو اینجه‌له‌کمک اوچون اؤلکه‌نین باتیسینداکی مورچسون وایدفیلد ارای تلسکوپلارین‌دان ایستیفاده ائتدی.

آراشدیرمانین نتیجه‌لری نیچر درگیسینده یاییملاندی.



ایلگیلی‌لی خبرلر