پروفسور سانجار: من بیر تورک میللتچیسییه‌م

«قاراباغ ظفری تورکیه‌نین قورتولوش ساواشین‌دان سونرا تورک دونیاسینین ان بؤیوک ظفری‌دیر»

1743965
پروفسور سانجار: من بیر تورک میللتچیسییه‌م

نوبل اؤدوللو تورک بیلیم انسانی پروفسور دکتر عزیز سانجار تورک دونیاسینا،

"قایناقلاریمیز وار. انسان گوجوموز وار. بؤیوک پتانسیلیمیز وار. یئتر کی، گوجوموزو تمل بیلیمه وئره‌ک. اوشاقلاریمیزی تجربی بیلیمه عادت وئره‌ک" توصیه‌سی وئردی.

آذربایجان دؤولت اقتصاد اونیوئرسیته‌سینین تشکیل ائتدیگی اقتصادی فورومونا (یوای‌اف باکو ۲۰۲۱) قاتیلماق اوچون باکییا گئدن عزیز سانجار (دونن) مطبوعات توپلانتیسی تشکیل ائتدی.

سانجار، آذربایجانین ۲۰۲۰.جی ایلده تورپاقلارینی ارمنی ایشغالین‌دان قورتارماق اوچون حیاتا گئچیردیگی ۴۴ گونلوک ساواشی گئجه گوندوز تعقیب ائتدیگینی بیلدیردی.

«قاراباغ ظفری تورکیه‌نین قورتولوش ساواشین‌دان سونرا تورک دونیاسینین ان بؤیوک ظفری‌دیر» دئدی.

سون ۵ ایلده تورک دونیاسینا سفر ائتدیگینی و ایداره‌چیلره تمل علملره سرمایه قویماغی توصیه ائتدیگینی بیلدیره‌ن سانجار،

"تام مستقیللیک و حاقیمیزی قورویابیله‌جک سویه‌یه چاتماق ایستییریکسه، تمل بیلیمه سرمایه قویمالیییق. من بیر تورک میللتچیسییه‌م. تورک میللتچیلیگینین بیر جهتی ده بیلیمده گوجلو اولماق‌دیر. بیلیمده گوجلو اولماسان خاریجی گوجلرین ائتدیکلرینه قارشی دورابیلمزسن. انسانسیز هاوا آراجلاریمیزین اساسینیدا بیلیم وار. قایناقلاریمیز وار. انسان گوجوموز وار. بؤیوک پتانسیلیمیز وار. یئتر کی، گوجوموزو تمل بیلیمه وئره‌ک. اوشاقلاریمیز تجربی بیلیمه آلیشدیراق" دئدی.

سانجار، یئنی نسیل کوروناویروسون طبیعی و یا صنعی بیر ویروس اولدوغو سوالینا، "کوروناویروسو چینلیلر ایجاد ائتمه‌دی. چوخ شایعه دانیشیلیر. کووید-۱۹ طبیعت‌دن چیخدی. بو قدر" دئیه جاواب وئردی.



ایلگیلی‌لی خبرلر