تدقیقات: چای و قهوه، فلج و دمانس ریسکینی آزالدیر

چین عالیم‌لری طرفیندن چای و قهوه ایچمه‌نین فلج و دمانس خسته‌لیک‌لرینه اولان تأثیری آراشدیریلیب.

تورونون ان بؤیوگو اولان بو تدقیقات ایشینده 50-74 یاش آرالیغینداکی 365 مین نفر 10 ایلدن چوخ بیر مدت عرضینده ایزلنیلیب.

گاردین-دا چیخان یازییا گؤره، چین-ین تیانجین طب بیلیم یوردوندان یوان ژانگ و علمی قروپونون آپاردیغی آراشدیرما بویو ایشتیراکچی‌لارین 5079-اوندا دمانس اینکیشاف ائدیب، 10.053-و ایسه ان آز بیر دفعه فلج کئچیریب.

تدقیقاتچی‌لار گونده 2-3 فینجان قهوه، 3-5 فینجان چای و یا عمومی‌لیکده 4-6 فینجان قهوه و چایی بیر یئرده ایچن آدام‌لاردا فلج کئچیرمه و دمانس اولما ریسکی‌نین چوخ آز اولدوغو تثبیت ائدیلیب.

گونده 2-3 فینجان قهوه و یا 2-3 فینجان چای ایچن‌لرده فلج کئچیرمه ریسکی‌نین 32 و دمانس ریسکی‌نین ایسه 28 فایز آشاغی اولدوغو معینلشیب.

نتیجه‌لری 'Plos Medicine'  ژورنالیندا درج اولونان علمی آراشدیرمانین تدقیقاتچی‌لاری بیلدیریب: "آراشدیرمامیز گؤستردی کی، قهوه و چای آیری-آیری‌لیقدا و یا بیرلیکده اورتا سویه‌ده ایچیلدیگی زامان داها آز فلج و دمانس ریسکی اولور".