اوزایا گئده‌جک ایلک تورک بیر بیلیم اینسانی اولاجاق

"بیز اوزایا گئتمیشکه‌ن اورادا بیلیمسل آراشدیرمالار دا ائتمک ایسته‌ییریک. بونا گؤره گئده‌جک آسترونوت بیر بیلیم اینسانی اولاجاق"

1729902
اوزایا گئده‌جک ایلک تورک بیر بیلیم اینسانی اولاجاق

تورکیه اوزای آژانسی باشقانی سردار حسین ییلدیریم، تورکیه‌نین آسترونوت آداینین ۲۰۲۲ده سئچیله‌جگینی ایفاده ائد‌رک، اوزایا گئده‌جک ایلک تورکون بیر بیلیم اینسانی اولاجاغینی سؤیله‌دی.

ییلدیریم، ۲ ایل اؤنجه قورولان آژانسین وظیفه‌لری، چالیشمالاری، میسیون و هدفلرینی باشکند آنکارادا استراتژیک دوشونجه انستیتوسون‌دا آنلاتدی.

اولوسلارآراسی امکداش‌لیق ایله آسترونوت ماموریتینی گرچکلشدیره‌جکلرینی بیلدیرن ییلدیریم، آمریکا بیرلشمیش دؤولتلرین‌دن اسپیس‌اکس یا دا روسیادان سویوز ایله چالیشیلاجاغینی، بونون اوچون دانیشیقلارین سوردوگونو ایفاده ائتدی.

چالیشمالاری بو ایل ایچین‌ده بیتیره‌جکلرینی ایفاده ائد‌ن ییلدیریم، بئله داوام ائتدی:

"آسترونوت تعلیمی ۷ آیدا تاماملانیر. آنلاشاجاغیمیز شیرکت بیزه معیارلاری وئره‌جک، بیزلر ده ۲۰۲۲ده آسترونوت سئچیمیمیزی ائدجییک. ۱ دئییل ۲ آسترونوت سئچه‌جه‌ییک. داها باشاریلی اولان نامیزدیمیز اوزایا گؤندریله‌جک.

آسترونوتوموز ان آز بیر هفته اوزایدا قالابیله‌جک. بیز اوزایا گئتمیشکه‌ن اورادا علمی آراشدیرمالار دا ائتمک ایسته‌ییریک. بونا گؤره گئده‌جک آسترونوت بیر بیلیم اینسانی اولاجاق".

 اؤته یان‌دان، "اوزای لیمانی" پروژه‌سینه دقت چکه‌ن ییلدیریم، اوزای لیمانینین دونیاداکی قارشیلیغینین هاوالیمانلاری اولدوغونو، تورکیه‌نین جغرافی شرطلرینین اوزای لیمانی قورولماسی اوچون اویغون اولمادیغینی آنجاق پاکیستانین تورکیه ایله اوزای لیمانی پروژه‌سینی گرچکلشدیرمک اوچون چوخ ایستکلی اولدوغونو، بو قونودا چالیشمالار یئریدیلدیگینی ایفاده ائتدی.



ایلگیلی‌لی خبرلر