"بیل گیتس، تورکیه‌ده بؤیوک بیر جوتلوک قوراجاق"
نیویورک پست سایتینا دانیشان بیر قایناق، گیتسین 'تورکیه‌ده بؤیوک و سوردوروله‌بیلر جوتلوک قورماق ایسته‌دیگینی' سؤیله‌دی
بیر مدت‌دیر اژه بؤلگه‌سین‌ده اولان آمریکالی میلیاردر بیل گیتسین تورکیه‌ده یئر باخدیغی و بیر جوتلوک قورماغی پلانلادیغی ادعا ائدیلدی.
نیویورک پست سایتینا دانیشان بیر قایناق، گیتسین، اسکی حیات یولداشییلا بیرلیک‌ده ایداره ائتدیگی ۵۰ میلیارد دلار وارلیغا صاحب بیل اند ملیندا گیتس وقفی اوچون 'تورکیه‌ده بؤیوک و سوردوروله‌بیلر جوتلوک قورماق ایسته‌دیگینی' سؤیله‌دی.
گیتس، دونن اسکاتلندین گلاسگو شهرین‌ده تشکیل ائدیله‌ن بیرلشمیش میللتلر ایقلیم دییشیک‌لیگی کنفرانسین‌دا، جوتچولرین ایقلیم دییشیکلیگینه دایانیق‌لی محصوللار گلیشدیرمه‌لرینه کؤمک‌چی اولماق اوچون ۳۱۵ میلیون دلار تخصیص ائتمه سؤزو وئرمیشدی.
گیتس، پولون، جوتچولرین دییشه‌ن ایقلیم مدللرینه اویوم تامین ائتمه‌سینه کؤمک‌چی اولان بیر توخوم کنسرسیومونا گئدجگینی سؤیله‌میشدی.
اؤته یان‌دان گیتسین حاضردا تراکیادا ۲۲ مین دؤنوم تورپاغی وار.
مایکروسافتین قوروجوسو بیل گیتس و یانینداکیلار، اکتبر آیین‌دا افس آنتیک شهرینی گزمیشدی.
گیتسین اؤزل گمیسی ده اؤنجه قوش آداسی آردیندان دا بودروم سولاریندا دمیرله‌میشدی.
ایلگیلی‌لی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی
