تکنوفست، ایستانبول آتاتورک هاوا لیمانیندا باشلادی
"بو گون دونیانین اؤنملی مئدیا قورولوشلاری تورک موسسه‌لرینین اوغورلارین‌دان بحث ائدیر"
تورکیه‌نین ان بؤیوک تکنولوژی ائتکینلیگی هاواچیلیق، اوزای و تکنولوژی فستیوالی (تکنوفست) ایستانبول آتاتورک هاوا لیمانیندا باشلادی.
تورکیه تکنولوژی تیمی وقفی (ت۳ وقفی) متولی هئیتی باشقانی و تکنوفست یؤنتیم قورولو باشقانی سلجوق بایراکتار، فستیوالین آچیلیشین‌داکی چیخیشین‌دا، دؤردونجو ایلین‌ده گنجلرله بیر یئرده اولدوقلارین‌دان چوخ موتلو اولدوقلارینی ایفاده ائدرک،
"بو گون دونیانین اؤنملی مئدیا قورولوشلاری تورک موسسه‌لرینین اوغورلارین‌دان بحث ائدیر. باشاریلی موسسه‌لریمیز آلدیقلاری سرمایه‌لرله بؤیوک دگرلر قازانیر. چوخ دئییل تخمیناً ییرمی ایل اؤنجه سیزین کیمی گنجلرین گاراژلاردا قوردوقلاری شیرکتلر دونیانین ان گوج‌لو شیرکتلرینه چئوریل‌دی" دئدی.
بایراکتار، تکنوفستین اینسانلار آراسین‌دا قارداش‌لیق باغلارینی اینکیشاف ائتدیره‌ن بؤیوک بیر پلتفورم اولدوغونو وورغولایاراق،
"تورکیه‌نین هر یئرین‌دن اولان گنجلر بیر بیری ایله گؤروشور، یاریشیر و عؤمور بویو داوام ائد‌جک دوستلوقلار قورور" دئدی.
بایراکتار،
"ملی تکنولوژی حمله‌سی ایده‌آلین‌دان و تورکیه‌نی هر ساحه‌ده لیدئر اؤلکه ائتمک‌دن هئچ واخت واز کئچمه‌یه‌جییک. بو یول‌دان دؤنمک یوخ. بو یول‌دا دورماق، دوراقساماق یوخ. تکنوفست وطنیمیزه، ملتیمیزه و توخوندوغو بوتون جغرافیالارا اوغورلو اولسون" دئدی.
بو گون باشلایان فستیوال ییرمی آلتی سپتامبرا قدر داوام ائده‌جک.
ایلگیلی‌لی خبرلر
کیچیک گزه‌گن یئرین چوخ یاخینیندان گئچه‌جک
کیچیک گزه‌گن، ایندییه قدر ثبت ائدیلن ان یاخین قارشیلاشمالاردان بیرینده یئرین یاخینیندان گئچه‌جک
روسیا و ایران مرکزلی هکرلرله باغلی اویاری
«ائیلملر، بللی بیر فردین و یا قروپون هدف آلیندیغی، کیملیک اووو سالدیریلارینین معمول بیر اؤرنه‌گیدیر»
