دکتر اؤزلم تۆرهجی و پروفسور دکتر اوغور شاهینه بیر اؤدول داها
آلمانیادا طب دونیاسینین اؤنملی اؤدوللریندن بیری، کووید-۱۹ آشیسینی گلیشدیرن تورک بیلیم انسانلارینا وئریلدی
آلمانیادا طب دونیاسینین اؤنملی اؤدوللریندن بیری اولاراق قبول ائدیلهن "پاول اریش و لودویگ دارمشتیتر ۲۰۲۲ اؤدولو"، یئنی نسیل کوروناویروس (کووید-۱۹) آشیسینی گلیشدیرن (تورک بیلیم انسانلاری) دکتر اؤزلم تۆرهجی، پروفسور دکتر اوغور شاهین و ماجار اصیللی پروفسور دکتر کاتالین کاریکویا وئریلدی.
آلمانیادا پاول اریش وقفی طرفیندن وئریلن آچیقلامادا،
"شاهین، تۆرهجی و کاریکو، مسنجر ارانایین (ام ارانای) خستهلیگی اؤنلمه و معالجه ائتمهده بیر ایلک اولاراق گلیشدیریلمهسیندهکی ویزیونلاری و عزملری ندنی ایله ۲۰۲۲ پاول اریش و لودویگ دارمشتیتر اؤدولونه لایق گؤرولدو" دئییلدی.
آچیقلامادا،
"اوچ اؤدول صاحبی، اؤنلهییجی و معالجه ائدیجی آماجلار اوچون خبرچی ارانایین گلیشدیریلمهسیندهکی باشاریلارینا گؤره اؤدوللندیریلیر. طبین بعضی ساحهلرینده کؤکلو بیر دییشیکلیک باشلاتماسی محتمل بیر تکنولوژی پلتفورمو یاراتدیلار" وورغوسو ائدیلدی.
کووید-۱۹ آشیسینی حاضرلایان آلمان بیوتکنولوژی بیوانتک شیرکتی قوروجو اورتاقلاری شاهین و تۆرهجی ایله شیرکتین ایکینجی باشقانی اولان کاتالین کاریکو، ۱۲۰ مین یورو دگریندهکی اؤدولو ۱۴ مارس ۲۰۲۲ده فرانکفورتدا گئچیریلهجک مراسیمله آلاجاقلار.