فیسبوک، سانال اوفیس اویغولاماسینی تانیتدی
اویغولاما سایهسینده ایستیفادهچیلر، گئرچک ماسالارینی و ایش بیلگیسایارلارینی سانال اورتاما داشییابیلهجکلر
سوسیال مئدیا شیرکتی فیسبوک، ایستیفادهچیلرین سانال بیر اوفیسده بیرلیکده چالیشماسینی تامین ائدجک اوکلوس کوئست ۲ سانال گرچکلیک باشلیغی اپلیکیشنینی تانیتدی.
فیسبوکون اوکلوس بلوکوندا وئردیگی آچیقلامادا، مک و ویندوز ماسااوستو اویغولاماسی سایهسینده ایستیفادهچیلرین گئرچک ماسالارینی و ایش بیلگیسایارلارینی سانال اورتاما داشییابیلهجکلری، ییغینجاقلار سیراسیندا اؤنملی قونولاری یازابیلهجکلری، فایللارینی سانال گرچکلیگه داشییابیلهجکلری و اکران پایلاشیمی ائدهبیلهجکلری ایفاده ائدیلدی.
آچیقلامایا گؤره اپلیکیشن، گلیشمیش آواتارلار و دیگر ایستیفادهچیلرین سسینی سانال اوتاقداکی یئرلرینه گؤره دوزنلهین اوزامسال (اوچ بعدلو-فضایی) سس تکنولوژیسی ایله سانال ییغینجاقلاری گئرچهیه داها یاخین حالا گتیرمهیی هدفلهییر.
هوریزون وورکروم اویغولاماسی، سانال حقیقت باشلیغی اولمایان ایستیفادهچیلرین سانال ییغینجاغا ویدئو کنفرانس یولویلا قاتیلماسینا دا ایمکان تانیییر.
فیسبوکون قوروجوسو مارک زاکربرگ، سیبیاس کانالینا وئردیگی آچیقلامادا، هوریزون وورکرومز اویغولاماسینین ایستیفادهچیلره "عینی اوتاقدا ایمیش کیمی بیر یئرده اولما حسی" وئردیگینی سؤیلهدی.
زاکربرگ، اپلیکیشنین، اینسانلارین اویون اوینارکهن یا دا آراشدیرما ائدرکهن بیرلیکده ایمیش کیمی حس ائدهبیلهجکلری، "متاورس" آدلی "یئنی نسیل اینترنتین" بیر پارچاسی اولدوغونو ایفاده ائتدی.
زاکربرگ، "متاورس"ی، "جیب تلفنلاریمیزدان یا دا اکرانیمیزدان باخابیلهجگیمیز دئییل، پارچاسی اولابیلهجگیمیز، ایچینه گیرهبیلهجگیمیز بیر اینترنت" اولاراق تانیملادی.