"تورکیه آرتیق ایها بازاریندا لیدئر اولما یولوندا"
"تورکیه ایها ساحهسینده سوپر گوج اولما یولوندایکن، آوروپالیلار، یاتماقدا اولماقدان اوتانمالیدیرلار"
اینگیلتره مرکزلی "درون وارز" آدلی ساوونما صنایع خبر پلتفورمو، تورکیهنین انسانسیز هاوا آراجی (ایها) بؤلوموندهکی باشاریسینی اله آلدی. ائدیلهن آنالیزده "تورکیه آرتیق ایها بازاریندا لیدئر اولما یولوندا" دئییلدی.
خبر پلتفورموندا یاییملانان آنالیزده، "تورک یاپیمی ایهالار اؤزلرینی ساحهده اثبات ائتدی" و "تورکیه آرتیق ایها بازاریندا لیدئر اولما یولوندا" دگرلندیرمهلری ائدیلدی.
آنالیزده تورکیهنین، ایها سئکتورونداکی آمریکا بیرلشمیش دؤولتلری و اسرائیل تکالینی/انحصارینی ییخدیغی یورومو دا یئر آلدی.
بایراقدر تب۲ (سلاحلی اینسانسیز هاوا آراجی) نومونه گؤستریلهرک، لیبیده، سوریهده و داغلیق قاراباغداکی اوستون باشاریسی وورغولاندی.
یازیدا تورکیهنین بو باشاریسینین اینگیلترهنین ده دقتینی چکدیگی ایفاده ائدیلدی.
اینگیلتره ساوونما باخانی بن والاس حاضیرلادیغی راپوردا بایراقدار تب۲لری اؤرنک گؤستردیگی خاطیرلادیلان یازیدا،
"تورکیه ایها ساحهسینده سوپر گوج اولما یولوندایکن، آوروپالیلار، یاتماقدا اولماقدان اوتانمالیدیرلار" دئییلدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی