وال ایستریت ژورنال، تورک سیهالارینی یازدی

"تورکیه‌ده اوره‌تیلن تکنولوژی، روسیانین سوریه، لیبی و آذربایجان‌دا حامی‌لیگینی اوستلندیگی ساواشلاردا تانکلاری، زره‌لی آراجلاری و دیگر ساوونما سیستملرینی داغیتدی"

1651657
وال ایستریت ژورنال، تورک سیهالارینی یازدی


آمریکانین معتبر قزئتلرین‌دن وال ایستریت ژورنال، تورکیه‌ده اوره‌تیلن آشاغی خرجلی سلاحلی انسانسیز هاوا آراجلارینین (سیها) سوریه، لیبی و آذربایجان‌داکی ساواشلاردا "اویون دییشدیریجی" اولاراق یئر آلدیغینی یازدی.

جیمز مارسون و برت فورست امضاسییلا یایینلانان خبرده، "آشاغی هزینه‌لی تورک سیهالاری چاتیشما بؤلگه‌لرینی و ژئوپولیتیگی یئنی‌دن شکیللندیریر" باش‌لیغی قوللانیلدی.

دونیادا کیچیک اوردولارین، تام تجهیزات‌لی دوشمنلرینه قارشی داها اوجوز سالدیری واسطه‌لرینه یؤنلدیگینه ایشاره ائدیله‌ن خبرده، "گئچه‌ن ایل بؤلگه‌سل چاتیشمالاردا باشاریلی اولدوغو اثبات ائدیله‌ن بو یئنی ساواش تاکتیکی، تورکیه و روسیانین اطرافین‌داکی استراتژیک دنگه‌نی دییشدیردی" دگرلندیرمه‌سینه یئر وئریلدی. خبرده،

"تورکیه‌ده اوره‌تیلن دوشوک خرجلی دیجیتال تکنولوژی، روسیانین سوریه، لیبی و آذربایجان‌دا حامی‌لیگینی اوستلندیگی ساواشلاردا تانکلاری، زره‌لی آراجلاری و دیگر ساوونما سیستملرینی داغیتدی. بو سیهالار، ان آز، یوکسک تکنولوژییه صاحب اما باهالی اولان ساواش واسطه‌لری قدر تأثیرلی اما اوجوز اولان بیر گله‌جه‌یه ایشاره ائدیر." ایفاده‌سی ایشلدیلدی.

تک باشینا یا دا گروپ حالین‌دا اوچابیله‌ن بو هاوا آراجلارینین، داها اؤنجه اولدوقجا باهالی ساواش اوچاقلارینین وظیفه‌سینی اوستلندیگینه ایشاره ائدیله‌ن خبرده،

"بو سیهالار ۲۴ ساعات هاوادا قالاراق هاوا ساوونما سیستملرین‌ده‌کی ضعفلری تاپابیلیر، هم ساواش اوچاق‌لارینین هدف آلماسینا کؤمک ائدیر هم ده اؤزلری موشک آتابیلیر" بیلگیلری یئر آلدی.

تورک یاپیمی سیهالارین آذربایجانین نوامبر آیین‌داکی داغلیق قاراباغ ظفرین‌ده ده تأثیرلی اولدوغونا ایشاره ائدیله‌ن خبرده، 

"ایهالارین باشاریسی تورکیه جمهورباشقانی رجب طیب اردوغانین چوخ ساییدا عسگر یا دا باهالی تجهیزاتی ریسکه آتمادان بؤلگه‌سل تأثیرینی آرتیرماسینا کؤمکچی اولدو" فیکیری پایلاشیلدی.



ایلگیلی‌لی خبرلر