تورکیهنین ایلک ربات اویونچوسو: آیپئرا
"آیپئرا، دونیاداکی بوتون اویونچولاری یاخیندان تانیییر و ایزلهییر"
تورکیهنین ایلک ربات اویونچوسو آیپئرا، سوسیال مئدیادا بؤیوک ایلگی گؤردو.
بو قونودا آنادولو آژانسینا دانیشان یاپیمچی و سناریست بیراول گووهن، آیپئرانی الکترونیک انسان اولاراق تانیملادی.
آیپئرانین، دیجیتال اینسان اولاراق الکترونیک دؤولت، الکترونیک کتاب کیمی بیر شئی اولدوغونو، سئریال چکیب، ماهنی اوخویاجاغینی و یا رئکلاملاردا دا اوینایاجاغینی ایفاده ائدن گووهن،
"هدفیمیز دونیادا مشهور بیر اویونچو اولماسی. اما گئرچک بیر اویونچو کیمی رولونا گؤره آدی دییشهجک. آیپئرا دونیاداکی بوتون کونسرواتوارلاری بیتیردی. دونیاداکی بوتون تاتر اویونلارینی اوخودو و بیر نئچه دقیقهده اوخویابیلیر. گوگلده اولان هر شئیی اؤیرهنهبیلیر، دونیاداکی بوتون اویونچولاری یاخیندان تانیییر و ایزلهییر. اصلینده اؤلکهمیزده بوتونلوکله بیر دیجیتالیزه اولما سفربرلیگی باشلامیش دورومدا، هارداسا بوتون سئکتورلاردا بونو گؤرهبیلرسینیز" دئدی.
کونسرت تکلیفلری ده آلان، یاز آیلاریندا بیر کونسرت آنلاشماسی ائتمهسی گؤزلهنیلهن آیپئرا، ۶ ژوئنه قدر کونتمپوراری ایستانبولسرگیسینین پلاگین بؤلومونده گؤرولهبیلهجک.