تورک سیلاحلی هاوا آراجلاری ساواش تاکتیکلرینی دییشدیردی
"داغیدیجی یومروق آتابیلن، اوچان زرهلی حیوانلار و بونلارین وورولماسی چتینلشدیکجه یئردهکی عسگرلرین اؤلدورولمهسی داها راحات حالا گلهجک"
تورکیهنین گلیشدیردیگی بایراقدار تب۲ سلاحلی اینسانسیز هاوا آراجلارینین (سیها) باشاریسینین و اؤلکهلری ساواش تاکتیکینی دییشدیرمهیه یؤنلندیرمهسینین، آمریکا اوردوسونو دابو ایستیقامتده یئنی آختاریشلارا سؤوق ائتدیگی بیلدیریلدی.
فارن پالیسی درگیسینده یاییملانان مقالهده، داغلیق قاراباغدا، سیهالارین ارمنیستانین هاوا ساوونما سیستملرینی و آغیر زرهلی قوهلرینی تاثیرسیز حالا گتیردیگی، بو سببله گلیشمیش اؤلکهلرین، ایشلهوسیز قالان ساواش تاکتیکلرینی، یئنیدن قورماق مجبوریتینده قالدیغی بیلدیریلدی.
مقالهده گؤروشونه یئر وئریلن آمریکا اوردوسو آسیمتریک ساواش قروپونون اسکی باشقانی آلبای سکات شاو، اینسانسیز هاوا آراجلارینین گئتدیکجه داها چوخ "هاوا تانکلاری"نا بنزهیهجگینی ایفاده ائدرک سیهالارا دایر "داغیدیجی یومروق آتابیلن، اوچان زرهلی حیوانلار و بونلارین وورولماسی چتینلشدیکجه یئردهکی عسگرلرین اؤلدورولمهسی داها راحات حالا گلهجک و ساواش میدانی گؤزتیمی ده اوجوزلایاجاق" دگرلندیرمهسینی وئردی.
داغلیق قاراباغ ساواشینین بیر نئچه ساعتلیق گؤرونتولرینی آراشدیردیقدان سونرا آمریکا اوردوسونون ایلگیلی بؤلمهلرینه تعلیملر وئرمهیه داوام ائتدیگینی سؤیلهین شاو،
"بو وضعیت، آمریکا طرزی مانور ساواشی اوچون یئنی پروبلئملر یارادیر" دئدی.