تورکیه ایله روسیا آراسیندا اوزای فعالیتلری مذاکره ائدیلیر

"اؤلکه‌لریمیز ایندیدن اوزای ساحه‌سینده گوجلو باغلانتیلار قوردولار"

1581121
تورکیه ایله روسیا آراسیندا اوزای فعالیتلری مذاکره ائدیلیر

تورکیه ایله روسیا آراسین‌دا اوزای آلانیندا امکداش‌لیق اوچون دانیشیقلارین آکتیو بیر شکیل‌ده داوام ائتدیگی بیلدیریلدی.
روسیا فدراسیونو اوزای آژانسینین (روس‌کوسموس) تورک اورتاقلار ایله چالیشما فرصتی تاپماقدان هر زامان ممنون اولدوغو وورغولانان آچیقلامادا،
"اؤلکه‌لریمیز ایندیدن اوزای ساحه‌سینده گوجلو باغلانتیلار قوردولار. اوزون مدتدیر فردی اوزای پروژه‌لرینی حیاتا گئچیرمه احتمالینی مذاکیره ائدیریک و تورکیه‌نین اؤز ملی اوزای آژانسینین اولوشدورولماسی ایله دانیشیقلاریمیز یئنی بیر سویه‌یه گلیر" دئییلدی.
 آچیقلاما‌دا، روس طرفینین تورکیه‌دن مؤوضوعا باغلی ملموس تکلیفلر گؤزلدیگی بیلدیریلرک،
"حاضردا اوزای فعالیتلری ساحه‌سین‌ده امکداشلیغین داها باشاریلی بیر شکیلده گلیشدیریلمه‌سی اوچون ساغلام بیر تمل یاراداجاق ایکی طرفلی حؤکومتلرآراسی سند حاضرلاماق اوچون چالیشمالار داوام ائتمکده‌دیر" ایفاده‌سینه یئر وئریلدی.



ایلگیلی‌لی خبرلر