اردوغان: هدفیمیزده ۲۰۲۳.جو ایلین سونوندا آیا ائنمک وار
"مدنیت جغرافیامیزین دا سمبولو اولان آل بایراغیمیزی آیا گؤندرمیین غرورونو میللتیمیزه یاشاداجاغیق"
پرزیدنت رجب طیب اردوغان جمهوریتین قورولماسینین ۱۰۰.جو ایلی هدفلرینه آیا ائنیشی ده علاوه ائتدی.
اردوغان آنکارادا گئچیریلهن تورکیه ملی اوزای پروگرامینین تانیتیم مراسیمیندهکی چیخیشیندا:
"عصرلر بویو دونیادا عدالته، اخلاقا و باریشا اؤنچولوک ائتمیش مدنیتیمیزین اوزایداکی سیاحتینه قاپی آچیریق. جمهوریتین قورولماسینین ۱۰۰ ایللیگینده (۲۰۲۳) آی ایله ایلک تماسدا اولماق میللی اوزای پروگرامینین ایلک هدفلری آراسیندادیر. هدفیمیزده ۲۰۲۳.جو ایلین سونوندا آیا ائنمک وار" دئدی.
"مدنیت جغرافیامیزین دا سمبولو اولان آل بایراغیمیزی آیا گؤندرمیین غرورونو میللتیمیزه یاشاداجاغیق" ایفادهسینی ایشلهدن جمهورباشقانی ملی اوزای پروگرامینین سون هدفینین بیر تورک وطنداشینی اوزایا گؤندرمک اولدوغونو وورغولایاراق، "بیز بونو توریستیک سفر کیمی دئییل، گلهجک نسیللره رهبرلیک ائدجک بیلیمسل بیر گؤرهو کیمی دوشونوروک" دئدی.
اردوغان چیخشیندا آزاد اولونان آذربایجان تورپاقلارینا داتوخوناراق، "اوتوز ایلدیر آذربایجان تورپاغی قاراباغی ایشغال آلتیندا توتدونوز. او تورپاقلار آذربایجانلی قارداشلاریمیزیندیر. آذربایجانین اؤزو قرار وئریب قاراباغی گئری آلدی و بیز ده الیمیزدن گلن دستگی وئردیک" دئدی.
ایلگیلیلی خبرلر
تۆرکیهدن ۱۱۹ اونیوئرسیته دونیانین ان یاخشیلاری آراسیندا
تۆرکیهدن ۱۱۹ اونیوئرسیته، دونیانین ان یاخشی ۳ مین اونیوئرسیتهسی سیرالاماسینا گیردی
