اوزایا گئدن ایلک توریستلر
ناسا، اکسیوم اسپیس‌ین اولوسلارآراسی اوزای مرکزینده بیر هتل تیکه‌جگینی بیلدیرمیشدی
اوزایا گئده‌جک اولان ایلک توریستلر بللی اولدو.
آمریکادا هیوستن مرکزلی اوزای توریزم شیرکتی اکسیوم اسپیس، ۲۰۲۲ ژانویه آییندا اولوسلارآراسی اوزای مرکزینه ائدیله‌جک ۸ گونلوک سیاحته قاتیلاجاق یولچولاری آچیقلادی.
اسکی بیر ناسا آسترونوتو اولان شیرکتین باشقان یاردیمچیسی مایکل لوپز آلگریانین کاپیتانلیغینی ائده‌جک سفره، ۷۱ یاش‌لی آمریکالی ایش آدامی لری کونور، ۵۱ یاش‌لی کانادالی یاتیریمچی مارک پاتی و ۶۳ یاش‌لی ایسرائیللی ایش آدامی و اسکی ساواش پیلوتو ائیتان استیبه یئر آلاجاق.
سفر اوچون ۵۵ میلیون دلار (تخمیناً ۴۰۵ میلیون تورک لیراسی) اؤد‌نه‌جک.
اکسیوم اسپیس، ایلک اوزای توریستلرینین اوربیت‌ده اولاجاغی زامان ایچینده، یئر‌ده‌کی آراشدیرماچیلار اوچون ائییتیم و سیناقلار دا داخیل چئشیدلی یاردیم پروژه‌لری تشکیل ائد‌جکلرینی آچیقلادی.
ناسا، اکسیوم اسپیس‌ین اولوسلارآراسی اوزای مرکزینده بیر هتل تیکه‌جگینی اعلان ائتمیشدی.
