"سونگار" زره‌لی قورو آراجینا اینتگره اولونوب
تورکیه سلاحلی قوه‌لری اینوانترینه گیرن "ایلک میللی سلاحلی درون" "سونگار" ایلک دفعه زره‌لی قورو آراجینا اینتگره اولونوب.
تورکیه سلاحلی قوه‌لری اینوانترینه گیرن "ایلک میللی سلاحلی درون" "سونگار" ایلک دفعه زره‌لی قورو آراجینا اینتگره اولونوب.
بونونلا دا "سونگار" سلاحلی درون سیستمی سایه‌سینده 4x4 حربی قورو آراجی هاوا‌دان هدفی تاپماق و اوزاقدان سلاحلی عملیات حیاتا کئچیره بیلمه قابیلیتینه صاحب اولا‌جاق.
حربی و تهلوکه‌سیزلیک مقصدلی ایستنیلن هر عملیاتدا هم گئجه، هم ده گوندوز فعال شکیلده ایشله‌ین "سونگار" اؤزونو ایداره سیستمی و ائنیش-قالخیش قابالیتیله آسیمتریک تهدیدلره موداخیله اوچون 7/24 ساعت حاضیر گؤزله‌یه‌جک.
حربی تکنولوژی سیستم "سونگار" اتوماتیک مسلسل سیستمینه تجهیز اولونا‌راق 3 کیلومتر یاری چاپلی بیر منزیل ایچری سینده وظیفه‌سینی یئرینه یئتیریر.
گئرچک زامان‌لی بیر گؤرونتو اؤتورمه سیستمینه صاحیب اولان "سونگار" تک و یا بیردن چوخ درون سیستمی ایله هدف بؤلگه‌نین تعیین ائدیلمه‌سی، تهدیدی تاثیرسیز حالا گتیرمک و عملیات‌دان سونراکی ضررین آشکارلانماسی کیمی بیر چوخ کریتیک تاپشیریق‌لاری یئرینه یئتیریر.
"سونگار" سرحد و سرحددن کنار عملیات‌لاریندا قورو آراجی اینتگراسیونو ایله ایله پوسقو و یا تهدیدلره قارشی هاوا‌دان چوخ سایدا گولله آتیشی ایله و لازیم اولدوقدا هوجوم مقصدلی اولا‌راق دا تأثیرلی شکیلده ایستیفاده ائدیله بیله‌جک.
