دونیا ساغلیق تشکیلاتی کروناویروسون اوچونجو دالغاسی باره‌ده خبردارلیق ائدیب

حاضیردا آوروپا اؤلکه‌لری لازیمی آلت یاپی قورماسا‌لار، گلن ایلین اولینده اونلاری کروناویروسون اوچونجو دالغاسی گؤزلییر.

بو باره‌ده دونیا ساغلیق تشکیلاتی‌نین نماینده‌سی دوید ناباررونون خبردارلیق ائدیب.

بیلدیریب کی، آوروپا کروناویروسون بیرینجی دالغاسینی نظارت آلتینا آلماغی باجاریب، آنجاق ایکینجی‌نین قارشی‌سینی آلا بیلمه‌ییب. "اونلار یای آیلاریندا لازیمی آلت یاپی قورماق ایمکانینی قاچیردی‌لار"، - دئیه د.ناباررو قئید ائدیب.

دونیا ساغلیق تشکیلاتی نین رسمی‌سی همچنین وورغولاییب کی، باتی آوروپا اؤلکه‌لری قارشی‌سیندا یئنی‌دن ویروسو نظارت آلتینا آلماق وظیفه‌سی دایانیر.

ناباررو آسیا اؤلکه‌لرینده اینسان‌لارین آوروپا ایله موقاییسه‌ده اپیدمی نی نظارتده ساخلاماق اوچون ماسک لار و تمیزلیک تدبیرلری ایله فاصله یه داها یاخشی عمل ائتدیک‌لرینی وورغولاییب.

سوئیس-ده کی فدرال حکومت اؤلکه داخیلینده قرنطینه تطبیق ائتمه‌سه ده، بعضی کانتون‌لار قیسمن قرنطینه تدبیرلری آلمیشدی.

دونیا ساغلیق تشکیلاتی-نین هفته عرضینده یایدیغی آچیقلامادا تشکیلاتین مرکزی قرارگاهی‌نین دا یئرلشدیگی ژنو و قونشو واود کانتون‌لاریندا دونیا‌داکی ان بؤیوک کوتلوی یولوخمانین قئیده آلیندیغی دقته چاتدیریلیب.