کروناویروسون موختلیف سطح لر اوزرینده قالما مودتی
عالیم‌لر کروناویروس حسیه جیک‌لری‌نین موختلیف سطح لر اوزرینده قالما مودتینه دایر تدقیقات آپاریب‌لار.
یئنی نوع کروناویروسلا (کووید-19) آپاریلان متخصص لر نتیجه‌سینده معلوم اولوب کی، بو ویروسون حیسه جیک‌لری موختلیف سطح لرده یازدا و پاییزدا اورتا حسابلا 17-30 ساعات، یایدا 2-5 ساعت آراسیندا قالا بیلیر. تدقیقاتین نتیجه‌لری "bioRxiv" الکترون علمی کیتاب‌خاناسیندا درج ائدیلیب.
تدقیقاتچی‌لار یئنی یولوخما حال‌لارینا یول وئریلمه‌مه‌سی اوچون شخصی تمیزلیک یوکسک سویه‌ده رعایت اولونماسینی و پتانسیل یولوخما سطح لرینده منتظم دزینفکسیون ایشلری آپاریلماسینی توصیه ائدیرلر.
کانزاس بیلیم یودونون پروفسورو یورگن ریختین رهبرلیگی ایله امریکا اپیدمیولوق‌لاری و بیولوق‌لاری سارس-کوو-2 ویروسو حیسه جیک‌لری‌نین موختلیف ایقلیم شرایطینده و تمپراتوردا قالا بیلمه‌سینی ایزله‌ییب‌لر. تدقیقاتچی‌لار کروناویروس حیسه جیک‌لرینی موختلیف سطح لره، او جمله‌دن طبی الجک و ماسک‌لار، بتون، کارتون، پلاستیک و پولادین اوستونه قویوب‌لار. بوندان سونرا عالیم‌لر اونلاری هرماتیک کامئرا‌لاردا یئرلشدیریب‌لر. همین کامرا‌لاردا یاز، یای، پاییز، هابئله قیزدیریلمیش اوتاق اوچون معمول اولان تمپئراتور و رطوبت اولوب.
عالیم‌لر ویروس‌لاردان واختاشیری نومونه‌لر گؤتوره‌رک اونلارین یاشاما قابیلیتینی اؤیرنیب‌لر. معلوم اولوب کی، یای واختی ویروس، حقیقتن ده، کیفایت قدر تئز یوخا چیخیب. بئله کی، اونو بوتون نوع ماتریال‌لارین سطح ینه قویدوق‌دان سونرا 2-5 ساعت عرضینده یاشاما قابیلیتینی ایتیریب.
لاکین پاییز و یا یاز اوچون تیپیک شرایطده ویروس‌لار یای ایله موقاییسه‌ده 5-6 دفعه چوخ مودت عرضینده موجود اولوب‌لار. ماراق‌لی اودور کی، پارچا و بتون سطح ینده قالماق ویروس حیسه جیک‌لری اوچون چوخ چتین اولوب، پلاستیک و کارتون اوستونده ایسه ایستنیلن ایقلیم شرایطینده داها چوخ قالیب‌لار. تدقیقاتچی‌لار حساب ائدیرلر کی، بو خصوصیت‌لر سطح لرین دزینفکسیون، ماسک‌لارین زیبیل قوتوسونا آتیلماسی و خسته‌لرین گئییم‌لری‌نین تمیزلنمزی زامانی نظره آلماق لازیم‌دیر.
