بو امریکا-دا کروناویروسا قارشی واکسن نین سیناغی کئچیریله‌جک

بو گون امریکا-دا سیاتل تجروبه-آراشدیرما مرکزینده کؤنول‌لولر کروناویروسا قارشی واکسن ین ایلک سیناق دوزاسینی قبول ائده‌جک.

1378976
بو امریکا-دا کروناویروسا قارشی واکسن نین سیناغی کئچیریله‌جک

بو گون امریکا-دا سیاتل تجروبه-آراشدیرما مرکزینده کؤنول‌لولر کروناویروسا قارشی واکسن ین ایلک سیناق دوزاسینی قبول ائده‌جک.

امریکان آشوشیتدپرس خبر آژانسی‌نین حکومت صلاحیتلیلیرینه اساسلاندیردیغی خبرده بیلدیریلیب کی، تجروبه‌ده 18-45 یاش آراسیندا اولان 45 ساغلام کؤنول‌لو ایشتیراک ائده‌جک. اونلار ماساچوست ایالت ینده کی "مدرن بیوتکنولوژی شیرکت، ائله‌جه ده امریکانین میللی ساغلیق انستیتوتونون بازاسیندا حاضیرلانمیش موختلیف دوزادا واکسین قبول ائده‌جک‌لر.

امریکانین “Inovio Pharmaceuticals”  شیرکتی، کانزاس سیتی مرکزی و پنسیلوانیا بیلیم یوردوندا حاضرلانان کروناویروس واکسن ینین جاری ایلین آوریل آییندان کلینیک تجروبه‌سینه باشلانیلا‌جاق. همین سیناقدا اونلارلا کؤنول‌لونون ایشتیراکی گؤزلنیلیر.

صلاحیت‌لی‌لر کروناویروس‌دان اذیت چکن خسته‌لرده ایستیفاده ائدیله‌جک بیر واکسنین اینکیشافی‌نین سککیز آیدان بیر ایلدک داوام ائده بیله جگینی قئید ائتدی‌لر.

باشقا اؤلکه‌لرده ده واکسن ین اینکیشافی اوچون فعالیت لر داوام ائدیر.

خاطیرلاداق کی، کروناویروس اینفکسیونو اؤتن ایلین دسامبریندا چین-ین ووهان شهرینده یاییلماغا باشلاییب. حاضردا ویروس 148 اؤلکه و بؤلگه‌ده قئیده آلینیب. دونیادا کروناویروس اینفکسیونونا 170 165 نفر یولوخوب. بون‌لارین 77 260 نفری ساغالیب، 6 515 نفری ایسه اؤلوب.

دونیا ساغلیق تشکیلاتی فوریه نین 11-ده اینفکسیونون آدینی کووید-19 قویوب، مارسین 11-ده ایسه کروناویروسو پاندمی اعلان ائدیب.

 



ایلگیلی‌لی خبرلر