قاتیق و سویو اینسانی گریپدن قورویور
حاتای مصطفی کمال اونیورسیتهسی (MKÜ) طب فاکولتهسینین طبی میکروبیولوژی بؤلومونون صدری، پروفسور نظامی دوران و علمی قروپو طرفیندن آپاریلان آراشدیرمادا قاتیق و سویونون گریپ و یا سویوق دیمهیه قارشی قورودوغو تثبیت ائدیلیب.
حاتای مصطفی کمال اونیورسیتهسی (MKÜ) طب فاکولتهسینین طبی میکروبیولوژی بؤلومونون صدری، پروفسور نظامی دوران و علمی قروپو طرفیندن آپاریلان آراشدیرمادا قاتیق و سویونون گریپ و یا سویوق دیمهیه قارشی قورودوغو تثبیت ائدیلیب.
نظامی دوران ائتدیگی شرحده گریپدن اول قورونمالارلا باغلی اهمیتلی تاپینتیلار الده ائتدیکلرینی سؤیلهیهرک دئییب:
"ایچریسینده چوخ سایدا باکتری اولان قاتیق و سویو اوزرینده چالیشدیق. حیوانلار اوزرینده تجروبهلردن چوخ تعجبلو نتیجهلر الده ائتدیک. اینفکسیون لاردان قورونمانین ان اهمیتلی قولوندان بیری اولان باغشیکلیک سیستمینی یارادان ایمونوگلوبولینلردیر، یعنی آنتیکرلاردیر.
آپاردیغیمیز آراشدیرمادا 2-10 قات آراسی قورویوجو آنتیکرلارین (قورویوجو مایع لر) قاتیق یئین حیوانلاردا یوکسک اولدوغونو تثبیت ائتدیک. بو، قاتیقلا بسلنن جانلیلارین، گریپ باشدا اولماقلا، اوست تنفس یولو اینفکسیونلارا قارشی 10 قاتا قدر داها یوکسک نیسبتده قوروندوغو معناسینی وئریر.
گریپ جدی بیر تنفس یولو خستهلیگیدیر. اساساً مایالانمیش 24 ساعتلیق قاتیق و یا سویونو ایچمک، گریپ باشدا اولماقلا، بنزر تنفس یولو اینفکسیون لاردان اینسانی قورویور".