قلوبال ایستیلشمه سون 10 ایلین ان یوکسک سویه سینه چاتیب

امریکانین عالیم‌لری سون 10 ایلین ایندییه قدر "دونیادا اؤلچولن ان ایستی دؤور" اولدوغونو سؤیله‌ییب‌لر.

قلوبال ایستیلشمه سون 10 ایلین ان یوکسک سویه سینه چاتیب

امریکانین عالیم‌لری سون 10 ایلین ایندییه قدر "دونیادا اؤلچولن ان ایستی دؤور" اولدوغونو سؤیله‌ییب‌لر.

ناسا (میللی هاواچی‌لیق و اوزای آژانسی) و NOAA (میللی اوقیانوس و اتمسفر ایداره‌سی) یئر سطح ینده قورو و دنیزلردن چیخان ایستی‌لیک میقداری ایله باغلی الده ائتدیک‌لری معلومات‌لاری آچیقلاییب‌لار.

معلوماتا گؤره، 2010-2020-جی ایللر آراسیندا دونیادا اورتا حسابلا ایستی‌لیک 14،7 درجه اولا‌راق تثبیت ائدیلیب. بو رقم 20-جی عصرده ایستیلیگین 0،8 درجه آرتماسی دئمک‌دیر.

2019 -جو ایلین 140 ایل عرضینده ایکینجی ان ایستی ایل اولدوغونو دقته چات‌دیران عالیم لر اونو دا بیلدیریب‌لر کی، مئشه یانغین‌لاری، بوزلاق‌لارین اریمه‌سی، کسکین هاوا حادثه‌لری اینسان‌لارین عمل‌لریله باغلی اولدوغو اوچون 2020-جی ایلین داها ایستی کئچمه‌سی تخمین ائدیلیر.

ناسا Goddard اوزای آراشدیرما‌لاری اینستیتوتونون مودیری گئوین شمیتد (Gavin Schmidt) اؤتن عصرین 60-جی ایللرین‌دن بو یانا هر 10 ایلین بیر اوولکیندن داها ایستی کئچدیگینی سؤیله‌یه‌رک: "کؤمور، نفت و گازین یاندیریلماسیندان قایناق‌لانان، هاوایا ایستی گازلارین بوراخیلماسی ایله علاقه‌دار ایستی‌لیک هر ایل آرتا‌جاق"، - دئییب.

 



ایلگیلی‌لی خبرلر