متئورلاردا شکر مولکول‌لاری تثبیت ائدیلدی

دونیایا دوشن متئورلارین، پلانت‌ده حیاتین میدانا گلمه‌سینه قاتقی ائتمیش اولا بیله‌جک شکر مولکول‌لاری ایچه‌ردیگی تثبیت ائدیلدی

متئورلاردا شکر مولکول‌لاری تثبیت ائدیلدی

دونیایا دوشن متئورلارین، پلانت‌ده حیاتین میدانا گلمه‌سینه قاتقی ائتمیش اولا بیله‌جک شکر مولکول‌لاری ایچه‌ردیگی تثبیت ائدیلدی.

یئنی زلانددا فعالیت گؤسترن خبر مئدیا شیرکتی استوف‌ین خبرینه گؤره، ژاپونیادا توهوکو اونیورسیته‌سین‌دن یوشیهیرو فوروکاوا لیدرلیگینده بیر قروپ متخصص، کوندریت اولا‌راق آدلان‌دیریلان، 1969دا اوسترالیایا دوشن مورچیسون و 2001ده مراکش‌ده کشف ائدیلن NWA 801 داخیل کاربون ایچه‌رن 3 متئورون توز حالینا گتیریلمیش نومونه‌لرینی آراشدیردی.

نتیجه‌لری  "Proceedings of the National Academy of Sciences" ژورنالیندا یایینلانان آراشدیرمادا علم اینسان‌لاری، متئور توزلاریندان‌ شکر مولکول‌لاری آرابینوز و کسیلوزون یانیندا ان اهمیت‌لی‌سی اولا‌راق گؤرولن ریبوزون ایزلرینی کشف ائتدی.

 

یئنی کشفین، بوتون اورقانیزم‌لر ایله بعضی ویروس‌لارین جان‌لی‌لیق فونکسیون‌لاری و بیولوژیک اینکیشاف‌لاری اوچون لازیم‌لی ژنتیک تعلیمات‌لاری داشیان دئوکسیریبو نوکلئین اسیددن‌ (DNA) اوّل ریبونوکلئیک اسیدین (RNA) حیات چرخینی کووردیناسیون ائتمیش اولما احتیمالینی دستکلدیگی ایفاده ائدیلیر.

آراشدیرما قروپوندا یئر آلان، آمریکان هاواچی‌لیق و کوسموس آژانسی (ناسا) گادرد کوسموس اوچوش مرکزینده وظیفه‌لی علم اینسانی دان گلاوی، دونیانین ارکن دؤورونده خاریج‌دن گلن ریبوزون، پلانت‌ده اوّل رنتنین اورتایا چیخدیغی هیپوتئزی ایله آردیجیل اولدوغونو، ایشین بو باخیم‌دان اهمیت داشیدیغینی آچیقلادی. ریبوزون، اینسان بیولوژیسینده بؤیوک رول اوینایان RNAنین اؤنملی بیر ایچه‌ریگی اولدوغو ایفاده ائدیلیر.



ایلگیلی‌لی خبرلر