فیزیک نوبل اؤدولو صاحبلری بللی اولدو
نوبل فیزیک اؤدولو، ۱۹۰۱دن بو یانا هر ایل فیزیک ساحهسینده اینسانلیغا اؤنملی قاتقی وئرن شخصلره وئریلیر
نوبل فیزیک اؤدولو بو ایل، کایناتین گلیشیمینین و "دونیانین ائورندهکی یئرینین" باشا دوشولمهسینه سوندوقلاری قاتقیلارا گؤره اوچ بیلیم اینسانینا وئریلدی.
سوئد کرالیت بیلیملر آکادمیسیندن وئریلهن آچیقلامادا، ۲۰۱۹ نوبل فیزیک اؤدولونون "فیزیکسل کوسمولوژیدهکی نظری کشفلری" اوچون کانادالی فیزیکچی و نظری کوسمولوگ جیمز پیبلزه "گونش نؤوعونده بیر اولدوزون اوربیتینده دؤنن اؤته گزهگن کشفلریندن" اؤترو ده سوئیسلی آستروفیزیکچی میشل مایور و سوئیسلی گؤی بیلیمچی دیدیه کولوزا وئریلدیگی ایفاده ائدیلدی.
نوبل فیزیک اؤدولونون قارشیلیغی اولان ۹۱۸ مین دلارین یاریسینی پیبلزین، دیگر یاریسینی دا مایور و کولوزون آلاجاغی ایفاده ائدیلدی. پیبلز، مایور و کولوزون اؤدولو ۱۰ دسامبردا استکهلمدا تشکیل ائدیلهجک مراسیمله آلاجاغی بیلدیریلدی.
نوبل فیزیک اؤدولو، ۱۹۰۱دن بو یانا هر ایل فیزیک ساحهسینده اینسانلیغا اؤنملی قاتقی وئرن شخصلره وئریلیر.
آمریکالی فیزیک و الکتریک مهندسی جان باردین، ۱۹۵۶ و ۱۹۷۲.جی ایللرده ایکی دفعه نوبل فیزیک اؤدولونو آلان تک بیلیم اینسانی اولاراق تاریخه گئچدی.
نوبل فیزیک اؤدولونو بو گونه قدر ۳ قادین قازاندی. ۱۹۰۳ده لهستان اصللی فرانسالی کیمیاچی و فیزیکچی ماری کوری، ۱۹۶۳ده آلمان اصللی آمریکالی فیزیکچی ماریا ژئوپرت-مایر، ۲۰۱۸ده ایسه کانادالی فیزیکچی دانا ایستریکلند اؤدولون صاحبی اولدو.
نوبل فیزیک اؤدولونو آلان ان گنج بیلیم آدامی لاورنس براگ، آتاسی ویلیام براگ ایله ۱۹۱۵ده اؤدوله لاییق گؤرولدو. لاورنس، اؤدولو آلیرکن ۲۵ یاشیندا ایدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی