سیانین جاسوس حیوانلاری
سی‌آی‌ای، سویوق ساواش دؤنمینده قوشلار، دلفینلر، پیشیک و ایتلری گیزلی وظیفه‌لر اوچون تربیه ائتدی
آمریکا بیرلشمیش دؤولتلری مرکزی استخبارات تشکیلاتی(سی‌آی‌ای) سویوق ساواش دؤنمینده قوشلار، دلفینلر، پیشیک و ایتلری گیزلی وظیفه‌لر اوچون تربیه ائتدی.
بی‌بی‌سی‌نین، سیآیایین گیزلی‌لیگینی قالدیردیغی سندلره دایاندیردیغی خبرین‌ده، تشکیلاتین، سویوق ساواش دؤورون‌ده سووئتلر بیرلیگی داخیلین‌ده‌کی حساس ساحه‌لرین شکیللرینی چکمک اوچون گؤیرچینلری قوللاندیغی بیلدیریلدی.
حیوانلارین تشکیلات اوچون ائش‌سیز وظیفه‌لری یئرینه یئتیرجگینه اینانان سیآیایین، ۱۹۷۰لرده تاکانا کد آدی ایله بیلینن عملیات‌دا کیچیک کامئرالار یئرلشدیریله‌ن گؤیرچینلردن ایستیفاده ائتدیگی، بیر دفعه ده آوروپادا پنجره کنارینا بیر قارغا طرفین‌دن دینله‌مه جیهازی قویولدوغو، آنجاق هدف‌دن سس آلینابیلمه‌دیگی قید ائدیلدی.
سیآیایین، سووئتلر بیرلیگینین شیمیایی سلاح سیناییب سینامادیغینی معین ائتمک اوچون کؤچری قوشلارا سنسورلار یئرلشدیرمه‌یی گؤزدن گئچیردیگی، آیریجا آکوستیک کیتی عملیاتین‌دا پیشیگین ایچینه دینله‌مه جیهازی یئرلشدیریلدیگی ایفاده ائدیلدی.
تشکیلاتین ۱۹۶۰لارین سونون‌دا سو آلتی عملیاتلاری اوچون دلفینلردن ایستیفاده ائتمه‌یه چالیشدیغی، دلفینلرین سووئت نوکلئر سوآلتی گمیلرینین سسینی ائشیتمک، بیولوژیک و رادیواکتیو سلاح قالیقلارینی معین ائتمک اوچون سنسورلار داشیییب داشییاممایاجاغینی تست ائتدیگی بیلدیریلدی.
"دلفیینلر حرکت ائد‌ن گمیلره پاکت یئرلشدیریب آلابیلر می" دئیه آراشدیرما ائدیلدیگی، "ایتلری اوزاق‌دان یؤنله‌ندیرمک اوچون بئیینلرینین الکتریکله اویاریلدیغی" بعضی تستلرین ائدیلمیش اولدوغو آنجاق بو سیناقلارین آیرینتیلارینین هله ده سیررینی قورودوغو بیلدیریلدی.
سیآیایین ۱۹۶۷.جی ایله قدر دلفینلر اوچون اوکسیگاس، قوشلار اوچون آکسیولیت و پیشیکلرله ایتلر اوچون ده کئشل پروگراملارینا ۶۰۰ مین دلاردان چوخ خرجله‌دیگینه ایشاره ائدیلدی.
ایلگیلی‌لی خبرلر
توگ ۲۰۲۵ده آوروپا یوللاریندا اولاجاق
"۲۰۲۴ سونو اعتیبارییلا توگ آرتیق آوروپا بیرلیگینه صادر ائدیلمه نقطه‌سینه گلمیش اولاجاق"
