چین کوسموسا اوچ گؤزلم اویدوسو آتدی

چین کوسموسا بیری بؤیوک ایکی‌سی کیچیک اوچ گؤزلم اویدوسو آتدی.

شینهوا آژانسی‌نین خبرینه گؤره، اؤلکه‌نین شانشی ایالتینده یئرلشن تاییوئن اویدو بوراخما مرکزین‌دن ائدیلن باخما پروسه‌سینده همین اویدو‌لار، Long March-4B  راکتیله اوّلجه‌دن پلان‌لاش‌دیریلان مدارا گؤندریلیب.

اویدو‌لاردان چین کوسموس تکنولوژیسی آکادمیسی طرفین‌دن اینکیشاف ائتدیریلن Z-102D، طبیعی ثروت‌لرین قیمتلندیریلمه‌سی، اکولوژی مونیتورینگ، فلاکت قارشی‌سینی آلماق، اطراف موحیطین قورونماسی، شهر پلانلاشدیرما اوچون ایستیفاده ائدیله‌جک.

دونیا‌دان 778 کیلومتر اوزاق‌لیق‌داکی مداردا 5 ایل عرضینده خیدمت وئره‌جک Z-102D، موختلیف مینرال‌لاردان عکس اولونان ایشیق‌لاری آنالیز ده ائده‌بیله‌جک.

ایکی اؤزل شیرکت طرفین‌دن اینکیشاف ائتدیریلن 16 کیلوقرام آغیرلیغیندا اولان دیگر ایکی کیچیک اویدو ایسه قوطب‌لرین ایقلیم ایزلمک اوچون ایستیفاده ائدیله‌جک.

خیدمت عمرونون بیر ایل اولدوغو بیل‌دیریلن اویدو‌لار، قوطب دایره‌لری‌نین و قوطب بؤلگه‌لرین‌دکی سولارین درجه‌لری‌نین دییشیک‌لیگی‌نین یاناشی، قلوبال ایقلیم دییشیک‌لیگی حاقیندا معلومات توپلایا‌جاق