انسان قاتلی روباتلار
"رباتلار، بیر جینسیتی یادا بیر ائتنیک قروپو یوخ ائده‌بیله‌جگی کیمی عینی زامان‌دا سوسیال مئدیا حسابلارینی اینجه‌له‌یرک بیر سیاسی گؤروشه صاحب اینسانلاری دا یوخ ائده‌بیلر"
آمازون، مایکروسافت و اینتل‌ین ده آرالارین‌دا اولدوغو بؤیوک تکنولوژی شیرکتلری صنعی ذکا سیستملی و اوتونوم اولاراق هدفه سالدیران قاتل روباتلار اوزرینه چالیشیر.
آژانس فرانس پرسین (آفپ) پاکسین راپورونا دایاندیردیغی معلوماتا گؤره دونیا سویه‌سین‌ده ۵۰ شیرکت گلیشدیردیکلری سلاحلارین تهلوکه نیسبتینه گؤره صینیفلاندیریلدی.
راپورا گؤره، ۲۲ شیرکت اورتا درجه‌لی قایغی قروپون‌دا یئر آلیرکن، آرالارین‌دا آمریکا بیرلشمیش دؤولتلری ساوونما باخانلیغی پنتاگونا بولود آلت‌یاپیلارینی ۱۰ میلیارد دلارا اقوللانماغی تکلیف ائد‌ن آمازون و مایکروسافتین یانین‌دا ۲۱ شیرکت ایسه "یوکسک قایغی" قروپون‌دا یئر آلدی.
یئنه یوکسک قایغی قروپون‌دا یئر آلان و بؤیوک بیلگی آنالیزی ائد‌ن آمریکانین مرکزی استخبارات تشکیلاتی سیا دستک‌لی پالانتیر شیرکتی، ۸۰۰ میلیون دلار قارشیلیغین‌دا عسگرلره کؤمک ائتمک اوچون ساواش میدانیندا گرچک زامانلی صنعی ذکا سیستمی گلیشدیره‌جک.
کالیفورنیا اونیورسیته‌سی برکلی بیلگی‌سایار بؤلومو خوجاسی پروفسور دکتر استوارت راسسل، یاپای ذکا ایله اینسان مداخله‌سینه احتیاج قالمادان سالدیران تانک، ساواش اوچاغی و دنیزآلتی کیمی سلاحلارین اۆرتیله‌بیله جگینی سؤیله‌دی.
اینسانلارین اؤلدورولمه‌سی قرارینی وئره‌بیله‌ن ماشینلارین قاداغان ائدیلمه‌سی لازیم اولدوغونو سؤیله‌یه‌ن راسل، اۆز تانیما تکنولوژیسینین ده کؤمگی ایله صنعی ذکا سلاحلار، بیر جینسیتی یادا بیر ائتنیک قروپو یوخ ائده‌بیله‌جگی کیمی عینی زامان‌دا سوسیال مئدیا حسابلارینی اینجه‌له‌یرک بیر سیاسی گؤروشه صاحب اینسانلاری دا یوخ ائده‌بیلر" دئیه دانیشدی.
