حافظه‌لرینی ایتیره‌بیلرلر

بیلیمم اینسانلاری، رادیاسیونون بئیین‌ده یادداشی و اؤیرنمه‌یی ساغلایان بؤلوملرینده خسارته سبب اولدوغونو تعین ائتدی

حافظه‌لرینی ایتیره‌بیلرلر

مارسا گئده‌جک آسترونوتلار حافظه ایتکی‌سی و قایغی پوزوقلوغو کیمی راحاتسیز‌لیقلارلا قارشی قارشییا قالابیلر.

 آمریکا هاواچیلیق و اوزای آژانسینین (ناسا) گله‌جک ایللرده مارسا گؤندرمه‌یی پلانلادیغی آسترونوتلارین، قیزیل گزه‌گنه سفرلرین‌ده یادداش ایتکی‌سی و قایغی پوزوقلوغو کیمی راحاتسیز‌لیقلار یاشایابیله‌جگی ایفاده ائدیلدی.

اینگیلیس دیلی میرور قزئتینین خبرینه گؤره، آمریکانین کالیفورنیا اونیورسیته‌سین‌دن آراش‌دیرماچیلار، مارسا یولچولوق سیراسیندا  درین اوزایدا معروض قالینان آشاغی سویه‌لی آنجاق  منتظم رادیاسیون تأثیرینین نه اولاجاغینی سیچانلار اوزرین‌ده آراشدیردی.

تخمیناً ۶ آی رادیاسیونا معروض قالان سیچانلارین بئیین و داورانیشلارینی آنالیز ائد‌ن بیلیمم اینسانلاری، رادیاسیونون بئیین‌ده یادداشی و اؤیرنمه‌یی ساغلایان بؤلوملرینده خسارته سبب اولدوغونو تعین ائتدی.

بو چالبشما، دۆزنلی معروض قالینان رادیاسیونون، بئیین‌ده دویغوسال یادداش و دویغوسال تپکیلرین میدانا گلمه‌سین‌ده ان اؤنملی رولا صاحب آمیگدالا بؤلگه‌سین‌ده ده پوزولمالارا سبب اولدوغونو اورتایا قویدو.

بیلیم اینسانلاری، ائتدیکلری چالیشمانین تاپقیلارینین اوزایدا اوزون مسافه‌لر قطع ائد‌جک آسترونوتلارین قارشیلاشماسی اولاسی ذهنی راحاتسیز‌لیقلارا ایشیق توتدوغونو وورغولادی.

ناسادا وظیفه‌لی تورک بیلیمم اینسانی دکتر اوموت ییلدیز، مارسا گؤندریلمه‌سی پلانلانان وآراجین، ان آز ۶ آی داوام ائد‌جک سفرینه ۲۰۲۱ سونراسین‌دا باشلایاجاغینی آچیقلامیشدی.



ایلگیلی‌لی خبرلر