سویوز قازاقیستانا ائندی

اکیب عضولرینین ساغلیغینین یاخشی اولدوغو بیلدیریلدی

سویوز قازاقیستانا ائندی

اولوسلارآراسی اوزای مرکزینده ۲۰۴ گوندور خیدمت ائد‌ن سویوز ام‌اس ۱۱ کپسولو قازاقیستانا ائندی.

روسیا فدرال اوزای آژانسیندان (روس‌کوسموس) وئریله‌ن یازی‌لی آچیقلامادا، روس کوسمونوت اولئگ کونونئنکو، کانادا اوزای آژانسی آسترونوتو دیوید سن‌ژاک و آمریکا هاواچیلیق و اوزای آژانسینین (ناسا) آسترونوتو آنه مک‌لین‌ین ایچین‌ده اولدوغو اوزای آراجینین اوغورلا ائندیگی، اکیب عضولرینین ساغلیغینین یاخشی اولدوغو بیلدیریلدی.

آچیقلامادا، اکیبین اولوسلارآراسی اوزای مرکزینده ۱۹۷ گون قالدیغی و بو مدت‌ده مختلیف علمی آراشدیرمالار و سیناقلار حیاتا گئچیردیگی قید ائدیلدی.

سویوز ام‌اس ۱۱، اؤتن ایل ۳ دسامبردا آتیلمیشدی.

ناسا، روس‌کوسموس، آوروپا اوزای آژانسی، کانادا اوزای آژانسی و ژاپن اوزای آراشدیرما آژانسی ژاکسانین اورتاق ایشلتدیگی اولوسلارآراسی اوزای مرکزینده اوزای آراشدیرمالاری و اساس بیلیم سیناقلاری آپاریلیر.



ایلگیلی‌لی خبرلر