فیسبوک، ایستیفادچی‌لرین تلفون فعالیت‌لرینی ایزلیه‌جگینی آچیقلادی

فیسبوک‌دان ائدیلن آچیقلامایا گؤره، شیرکت طرفین‌دن گلیشدیریلن استودی آدلی پروقرام، ایستیفادچی‌لرین موختلیف معلومات‌لارینی ایشله‌یه‌رک، ایستیفاده عادتلرینه دایر آنالیزلار ائده‌جک

فیسبوک، ایستیفادچی‌لرین تلفون فعالیت‌لرینی ایزلیه‌جگینی آچیقلادی

فیسبوک، گلیشدیردیگی استودی آدلی پروقراملا، ایستیفادچی‌لرین تلفون فعالیت‌لرینی اؤدمه شرطی ایله ایزلیه‌جگینی آچیقلادی.

فیسبوک‌دان ائدیلن آچیقلامایا گؤره، شیرکت طرفین‌دن گلیشدیریلن استودی آدلی پروقرام، ایستیفادچی‌لرین موختلیف معلومات‌لارینی ایشله‌یه‌رک، ایستیفاده عادتلرینه دایر آنالیزلار ائده‌جک.

"یئنی مارکت آراشدیرما پروقرامی" اولا‌راق خاراکتریزه ائدیلن استودی ایله ایستیفادچی‌لرین تلفون‌لارینا قوردوغو پروقراملار و بون‌لاردا کئچیردیگی مدت، هانسی اؤلکه‌ده اولدوق‌لاری، ایستیفاده ائتدیک‌لری جیهاز و شبکه خوصوصیتلریله علاقه‌دار معلومات‌لاری ییغا‌جاق.

ایسته‌یه باغلی اولا‌راق ایستیفاده ائدیله‌جک پروقراملا ایستیفادچی کیملیگی، شیفره، فوتوشکیل، ویدئو و مساژلار کیمی معلومات‌لارا گیریلمه‌یه‌جک. پروقرامین الده ائتدیگی ایستیفادچی معلومات‌لاری، اوچونجو پارتی پروقرام‌لاره سرویس ائدیلمه‌یه‌جک و رکلام مقصدیله ایستیفاده ائدیلمه‌یه‌جک.

آندروید پلاتفورماسیندا یئر آلاجاق پروقراما، 18 یاشین‌دان کیچیک ایستیفادچی‌لر چاتابیلمه‌یه‌جک. ایستیفادچی‌لرین یاشی، سیستمه عضو اولدوق‌لاری فیسبوک حسابی اوزرین‌دن کونترول ائدیله‌جک. فیسبوک، عضولوک مرحله‌سینده ایستیفادچی‌لرین بانک حساب معلومات‌لارینی دا آللا‌جاق و معلومات‌لاری‌نین ایستیفاده‌سینه ایجازه وئرن‌لره اؤدمه ئئره‌جک.

ایلک مرحله‌ده آمریکا و هیندیستاندا ایستیفاده‌یه تقدیم ائدیله‌جک اولان پروقرامین، ایره‌لیله‌ین مرحله‌ده دیگر اؤلکه‌لرده ده ایستیفاده‌یه تقدیم ائدیلمه‌سی پلان‌لانیر.

اؤته یان‌دان فیسبوک، ایستیفادچی معلومات‌لاری‌نین اعتبارلی بیر شکیلده ساخلاناجاغینی و بو معلومات‌لارین یالنیز مارکت آراشدیرما‌لاری و داها یاخشی محصول میدانا گتیرمه مقصدیله ایستیفاده ائدیله‌جگینی قبول ائده‌جک.



ایلگیلی‌لی خبرلر