گوگل‌، هواوی ایله تکنیکی سرویس قونوسوندا امکداش‌لیغی دایاندیردی

وئریلن معلوماتا گؤره، هواوی-نین هله آندروید بازاریندا ساتیلمایان یئنی ورسیون‌لاری گوگل پلی استور، جی میل و یوتوب کیمی ان چوخ ایستیفاده ائدیلن موبیل پروقرام‌لارا گیره‌بیلمز

گوگل‌، هواوی ایله تکنیکی سرویس قونوسوندا امکداش‌لیغی دایاندیردی

آمریکادان جاسوسلوقلا اتهام اولونان چین بؤیوک  شیرکتی هواوی‌یه سون ضربه گوگل-دان گلدی.

گوگل‌نین اوست شیرکتی، Alfabet Inc، هواوی ایله پروقرام تأمیناتی، دونانما و تکنیکی خیدمت قونوسوندا امکداش‌لیغی دایاندیردی.

گوگل‌دان وئریلن معلوماتا گؤره، هواوی-نین هله آندروید بازاریندا ساتیلمایان یئنی ورسیون‌لاری گوگل پلی استور، جی میل و یوتوب کیمی ان چوخ ایستیفاده ائدیلن موبیل پروقرام‌لارا گیره‌بیلمز.

گوگل-دان موستقیل خیدمت‌لر ایندی اولدوغو کیمی داوام ائده‌جک. موجود هواوی ایستیفادچی‌لری محدودیت‌دن تاثیرلنمه‌یه‌جک و اونلار ایفاده ائدیلن خیدمتده دییشیک‌لیک اولمایا‌جاق.

آمریکا، چین‌ده یئرلشن هواوی محصول‌لاری‌نین و سیستم‌لری‌نین، کشفیات و اینفورماسیون سیزینتی‌سینی کونترول ائتمک اوچون پکن حکومتی طرفین‌دن ایستیفاده ائدیله بیله‌جگینی ادعا ائدیر.

آمریکا پرزیدنتی دونالد ترامپ اؤتن هفته اؤلکه‌نین میللی امنیتنه تهلوکه یارا‌دان خاریجی فیرما‌لاردان تکنولوژی آلیش‌لارینا قاداغا قویان فرمان ایمضالادی. سایبر سالدیرییا و کشفیات چاتیشمازلیغینا سبب اولماق اوچون پوتانسیله مالیک اولان فیرما‌لارا خصوصی تحریم‌لر تطبیق ائدن فرمان، چین تکنولوژیا شیرکتی هواوی-ده آدلاندیریلمامیش اولسا دا هدف‌لنیر.

چین‌لی تکنولوژی شیرکتی جاسوسلوق ادعا‌لارینی رد ائدیر.



ایلگیلی‌لی خبرلر