"آیا قایتمانین و اوردا قالمانین واختی گلدی"
آمازونون قوروجوسو جف بیزوس، آیا اوزای آراجی گؤندرمه‌یی پلانلاشدیردیغینی بیلدیردی
آمریکا بیرلشمیش دؤولتلرینین اینترنتدن ساتیش شیرکتی آمازونون قوروجوسو جف بیزوس، آیا اوزای آراجی گؤندرمه‌یی پلانلاشدیردیغینی بیلدیردی.
بیزوس، هاواچیلیق و اوزای آراشدیرمالاری شیرکتی بلو اوریجین‌ین ۴ گز‌گینچی روباتی داشیما توتومونا صاحب، کیچیک بیر ائو بؤیوکلویون‌ده‌کی اوزای آراجینی، یئنی حاضرلانان راکت موتورو و گوجلندیریلمیش راکتلرله آیا گؤندرجگینی آچیقلادی.
واشنگتن پست قزئتینین ده صاحبی اولان بیزوس، پلانین تانیتیمینی، دونیانین اویدوسونا گؤندریله‌جک آراجین ماکتینین گؤستریلدیگی بلو اوریجین شیرکتین‌ده ائتدی.
جف بیزوس، دانیشماسیندا،
"بو اینانیلماز آراج آیا گئده‌جک، آیا قایتمانین بو سفر اوردا قالمانین واختی گلدی" دئدی.
بیزوس، آراجین نه زامان آیا گؤندریله‌جگینی، آیا انسان آپاریب آپارمایاجاغی قونوسوندا بیلگی وئرمه‌دی.
بلو اوریجین باشقان یاردیمچی‌سی کلی موری، آیا انسانلی سفرین ۲۰۲۴.جی ایلده ائدیله‌جگینی سؤیله‌دی.
شیرکت اوچون چالیشان اؤزل اوزای مشاوری روبرت وولکر ده اینسان‌سیز اوچوشون ۲۰۲۳.جو ایلده پلانلاشدیریلدیغینی سؤیله‌دی.
