کائناتین ان آیرینتی‌لی گؤرونتوسو یاییملاندی

فوتوگراف، ائورنین ایندییه قدر کی، ان آیرینتی‌لی منظره‌سینی تمثیل ائدیر

کائناتین ان آیرینتی‌لی گؤرونتوسو یاییملاندی

هابل اوزای تلسکوبونون گؤزلملرینی بیر آرایا گتیر‌ن بیلیم آداملاری، ائورنین/کائناتین بو گونه قدر کی ان آیرینتی‌لی گؤرونتوسونو یاییملادی.

لایوساینس‌ین خبرینه گؤره، هابل اوزای تلسکوبونون گؤزلم‌لری ایله اولوشدورولان ائورنین عائله فوتوگرافیندا، یاش‌لی و کیچیک گالاکسی‌لر(گؤی آدا-کهکشان) ایله تانینمیش گزه‌گنلر بیر آرادا گؤرونور.

هابل‌ین ۱۶ ایلده ائتدیگی ۷ مین ۵۰۰دن آرتیق گؤزلمی بیر آرایا گتیره‌ن فوتوگراف، ائورنین ایندییه قدر کی، ان آیرینتی‌لی منظره‌سینی تمثیل ائدیر.

کامپوزیت(مرکب) گؤرونتوده، ایشیقلاری هابلین گؤروش آچیسینا گیره‌نه قدر میلیاردلارجا ایل یول آلان، چوخو چوخ اوزاق‌دا تخمیناً ۲۶۵ مین گالاکسینین اولدوغو ایفاده ائدیلیر.

پروژه‌نین باشقانی کالیفورنیا اونیوئرسیته‌سین‌ده وظیفه‌لی گؤی‌بیلیمچی گرت ایلینگ‌ورت،

"بو تک گؤرونتو، ائورن‌ده گؤی‌آدالارین گلیشیمینین تام تاریخینی، اوشاق‌لیقلارین‌دان تام یئتیشکین اولانا قدر گئچه‌ن مدتی احاطه ائدیر" دئدی.

آمریکا بیرلشمیش دؤولتلری هاواچیلیق و اوزای دایره‌سینین (ناسا)، آوروپا اوزای آژانسی و اوزای تلسکوبو بیلیم اینستیتوتو ایله بیرلیک‌ده گلیشدیردیگی هابل اوزای تلسکوبو، ۱۹۹۰دان بو یانا دونیا یؤرونگه‌سینده اوزای گؤزلملری ائدیر.



ایلگیلی‌لی خبرلر