ویبی اؤدول‌لرینی قازانانلار آچیقلاندی

اینترنتین اوسکار اؤدوللری اولاراق بیلینن ویبی(webby) اؤدوللرینین 2019 غالیب‌لری معلوم اولدو

ویبی اؤدول‌لرینی قازانانلار آچیقلاندی

اینترنتین اوسکار اؤدوللری اولاراق بیلینن ویبی(webby)  اؤدوللرینین 2019 غالیب‌لری معلوم اولدو.

اؤدول‌لری معین ائدن اولوسلار آراسی دیجیتال صنعت و علم آکادمیسی (IADAS) قازانان‌لاری اینترنت سایتین‌دان بیلدیریب.

بو ایل 23ونجوسو کئچیریلن و 529 ساحه‌ده وئریلن ویبی اؤدو‌لرینی آلان‌لار آراسیندا، "The Jump" تدبیری و جان‌لی یایین ویدئوسو آکتور اویل اسمیت، ان یاخشی "سوسیال وارلیق گؤسترمه" ساحه‌سینده ده ناسا اؤنه چیخدی.

دیسنی ایسه موختلیف کاتقوری‌لرده جمعی 32 اؤدول‌له ان چوخ وبی اؤدولونو قازانان ایلین ویبی مئدیا شیرکتی سئچیلیب.

آمریکا‌لی موسلمان کومئدیین حسن مینهاژ دا نتفلیکس‌ده یایینلانا "وطن‌سئورلیک قانونو" (Patriot Act) پروقرامین‌دان دولایی "خصوصی اوغور" اؤدولوینه لاییق گؤرولوب.

مینهاژین پروقرامی، واشینگتون پوست قزئتی‌نین مؤلفی سعودی ژورنالیست جمال قاشیقچی جینایتی حاقیندا سعودی ولیعهد شاهزاده محمد بن سلمان و یمن‌دکی ایچ ساواشا یؤنه‌لیک تنقیدلری گؤره سعودی عربیستاندا سانسورلانمیش و بین الخالق مئدیادا خبر اولموشدو.

ویبی اؤدول‌لری، اینترنت صحیفه‌سی، ویدئو، رکلام/مئدیا، آپپلیکشین، سوسیال مئدیا، پادکست، اینترنت اویون‌لاری اولماقلا 7 کاتقوریده وئریلیر.

1996-جی ایلدن بو یانا کئچیریلن و ایچینده 2 مین‌دن آرتیق سئچیجی عضوونون اولدوغو ایاداس طرفین‌دن معین ائدیلمیش ویبی اؤدول‌لری موسابیقه‌سینه بو ایل 70 اؤلکه‌دن 13 مین‌دن چوخ قاتیلیمجی اولدوغو قئید ائدیلیب.



ایلگیلی‌لی خبرلر