ایلک مولکول تیپی کشف ائدیلدی

کاینات‌دا اولوشان ایلک مولکول تیپینین بیر نومونه‌سی اوزای‌دا معین ائدیلدی

ایلک مولکول تیپی کشف ائدیلدی

بیلیم اینسانلاری ائورن‌ده/کاینات‌دا اولوشان ایلک مولکول تیپینین بیر نومونه‌سینی اوزای‌دا معین ائتدی.

آمریکا بیرلشمیش دؤولتلری هاواچیلیق و اوزای آژانسی ناسادان وئریله‌ن معلوماتا گؤره، قیزیل اؤته‌سی گؤی‌بیلیمی اوچون استراتوسفر گؤزلم‌ائوی کاینات‌دا اولوشان ایلک مولکول اولاراق بیلینن، هلیوم و هیدروژن اتملارینین بیرلشمه‌سین‌دن اولوشان "هلیوم هیدرید" آدی وئریله‌ن مولکولون بیر اؤرنگینی فضا‌دا کشف ائتدی.

دونیادان ۳ مین ایشیق ایلی اوزاق‌دا قو (سیگنس) تاخیم‌اولدوزو(فلکی صورت) یاخینلیغین‌داکی "ان.جی.سی ۷۰۲۷" گزه‌گن دومانلیغیندا(سحابی) معین ائدیله‌ن مولکول ایلک دفعه اوزای‌دا گؤزلنمیش اولدو.

بیلیم اینسانلاری، بؤیوک پاتلاما‌دان تخمیناً ۱۰۰ مین ایل سونرا یارانان هلیوم هیدریدین، بیر بیرینه باغلی قروپلار حالین‌دا اولان اتملارین یاراتدیغی شیمیایی بیله‌شیک/ترکیب‌لرین ان کیچیک تمل یاپیسی اولان مولکوللارین ایلک نومونه‌سی اولدوغونو تخمین ائدیر.

آراشدیرمانین نتیجه‌لری "نیچر" درگیسینده یاییملاندی.



ایلگیلی‌لی خبرلر