گوگل‌دان ایرانا انگل

"گوگل، شیرکت قوراللارینین پوزولماسی سببیله اؤنجه‌دن بیلگیلندیرمه ائتمه‌دن انگللدی"

گوگل‌دان ایرانا انگل

تکنولوژی شیرکتی گوگل، خاریجی دیللرده یایینی اولان ایران دؤولت تلویزیونونا باغلی ایکی مئدیا قورولوشونون یوتوب و جی‌میل حسابلارینا انگل گتیردی.

ایرانین اینگیلیزجه یایینی اولان دؤولت تلویزیونو پرس تی‌وی‌دن وئریله‌ن آچیقلامادا، پرس تی‌وی ایله ایسپانیولجا یایینی اولان دؤولت تلویزیونو هیسپان تی‌وی‌نین حسابلارینا گیرمه‌نین انگلله‌ندیگی قید اولوندو.

آچیقلامادا بو ایفاده‌لره یئر وئریلدی:

"گوگل، پرس تی‌وی ایله هیسپان تی‌وی‌نین رسمی یوتوب و جی‌میل حسابلارینا گیریشین شیرکت قوراللارینین پوزولماسی سببیله اؤنجه‌دن بیلگیلندیرمه ائتمه‌دن انگللندی".

آچیقلامادا، یوتوب حسابلارین‌داکی ویدئولارین هله ده ایزلندیگی آنجاق گیریش انگلی سببیله یئنی ایچرک علاوه اولونماسینا ایجازه وئریلمدیگی بیلدیریلدی.

پرس تی‌وی، گوگلی آمریکا بیرلشمیش دؤولتلری رهبرلیگینین ایرانا باسقینی آرتیرماق و ایران مئدیاسینی دا هدف آلان تبلیغات کامپانیاسینا دستک وئرمکله سوچلارکن، گوگل طرفین‌دن هله‌لیک مسئله ایله باغلی آچیقلاما وئریلمه‌دی.

قیسا مدت اؤنجه ده سوسیال مئدیا پلاتفورمو اینستاگرام، آمریکا رهبرلیگینین ایران اینقیلاب محافظلری اوردوسونو رسما خاریجی ترور هؤرگوتلری لیسته‌سینه آلماسین‌دان سونرا باش قرارگاه رئیسی ژنرال محمد باقرینین ده آرالارین‌دا اولدوغو یوکسک سویه‌لی باشچیلار و اینقیلاب محافظلری اوردوسو ایله باغلانتی‌لی مقاملارینین حسابلارینی باغلامیشدی.



ایلگیلی‌لی خبرلر