بؤیوک یوخ اولوشون سببی بللی اولدو

جان‌لیلارین یوزده ۹۵یندن چوخونون یوخ اولدوغو، فلاکتی ایزله‌یه‌ن دؤورده دایناسورلارین اورتایا چیخدیغی قید ائدیلدی

بؤیوک یوخ اولوشون سببی بللی اولدو

دونیا اوزرین‌ده ۲۵۲ میلیون ایل اؤنجه باش وئره‌ن بؤیوک یوخ اولوشا یانارداغلارین یول آچدیغی نظریه‌سینی دستکله‌یه‌ن دلیل الده ائدیلدی.

سایینس دیلی‌نین خبرینه گؤره، آمریکالی و چین‌لی داشیل(فسیل) بیلیمچیلرین یئریتدیگی آراشدیرما، دونیا میقیاسین‌دا اوندان آرتیق بؤلگه‌ده چوخ قدیم زامانلاردان قالما قایالاردا راستلانان یوکسک میقاردا جیوه‌نین، ۲۵۲ میلیون ایل اؤنجه "بؤیوک اؤلوم" اولاراق آدلاندیریلان کوتلوی یوخ اولوشا وولکان پاتلامالارینین یول آچدیغینین ان گوج‌لو اثباتی اولدوغونو اورتایا قویدو.

سینسیناتی و چین یئربیلیملری اونیورسیته‌لرینین اورتاق چالیشماسین‌دا، ۲۵۲ میلیون ایل اؤنجه، بو گون روسیانین اورتا بؤلومون‌ده یئر آلان سیبری تراپ‌لارین‌دا میدانا گلن وولکانیک پاتلامالار زامانی اتموسفره وئریلن جیوه بخارینین و کؤمور تورتو(رسوب)لارینین، سونون‌دا یاغیش بیچیمینده دونیا اوزره دنیز سدیمانینا(رسوبونا) دوشدویو، بئله‌لیکله، فلاکتین عنصوری ایمضاسینی آتدیغی قید اولوندو.

مینلرجه ایل سۆرن وولکانیک پاتلامالار زامانی، دونیا اوزرین‌ده دنیزده و قوروداکی جان‌لیلارین یوزده ۹۵یندن چوخونون یوخ اولدوغو، فلاکتی ایزله‌یه‌ن دؤورده دایناسورلارین اورتایا چیخدیغی قید ائدیلدی.

چالیشمانین آیرینتیلاری "نیچر کمونیکیشینس" درگیسینده یاییملاندی.

دونیانین ۴ یاریم میلیارد ایللیک تاریخین‌ده ۵ کوتلوی یوخ اولوشا شاهد اولدوغو ایفاده ائدیلیر.

بیلیم آداملاری، ۶۵ میلیون ایل اؤنجه دایناسورلاری اورتادان قالدیران کوتلوی یوخ اولوشا، حاضردا مکزیکده اولان بؤلگه‌یه بؤیوک بیر گؤی داشینین وورماسینین یول آچدیغی نظریه‌سینین عنصوری دلیلینین ده ایریدیوم اولدوغونو بیلدیریر.



ایلگیلی‌لی خبرلر