میمونلارا اینسان ژنلری تزریق ائدیلدی
میمونلارین قیسا مدت‌لی حافظه‌لرینین، نورمال نؤوعلره گؤره گلیشدیگی بیلدیریلدی
چین‌لی بیلیم آداملاری ایلک دفعه ژن دییش‌دیرمه اصولون‌دان ایستیفاده ائد‌رک میمونلارا اینسان بئینی ژنلری تزریق ائتدی.
بیلیم اینسانلاری میمونلاردا اولان اینسانلارا خاص ام‌سی‌پی‌اچ۱ ژنینی دییشدیرمه‌یی باجاردی.
آراشدیرما سونون‌دا میمونلارین بئیینلرینین گلیشدیگی و عینیله اینسانلارا بنزر یادداش سیگناللارینا صاحب اولدوقلاری گؤزلندی. بوندان باشقا، سؤزوگئدن میمونلارین قیسا مدت‌لی حافظه‌لرینین، نورمال نؤوعلره گؤره گلیشدیگی بیلدیریلدی.
آراشدیرما قروپو ام‌سی‌پی‌اچ۱ ژنینی دییشدیره‌رک توپلام ۱۱ میمونا اویغولادی.
ژن دییشیکلیینه معروض قالان میمونلارین داها راحات شکیل‌ده حرکت ائتدیگی و اوزون وعده‌ده اینسانا اؤزگو حرکتلری داها راحت ائده‌بیلدیگی آچیقلاندی.
چین‌لی بیلیم اینسانلارینین بو میمونلاری بعضی خسته‌لیکلر اوچون ائدیلن آراشدیرمالاردا ایستیفاده ائد‌جکلری بیلدیریلدی.
آراشدیرمایا بعضی بیلیم آداملاری ایسه قارشی چیخدی.
آمریکا بیرلشمیش دؤلتلرینین مشهور اونیورسیته‌لرین‌دن بیری اولان ماساچوست اونیورسیته‌سینده وظیفه‌لی ژنتیک آراشدیرما‌چی‌سی جیمز سیکئلا، بو جور چالیشما‌لارین تدبیر آلینمادان ائدیلمه‌مه‌سی لازیم اولدوغونو قید ائد‌رک،
"میمونلارین ژنتیکینی دییشدیرمک بئیین اینکیشافی ایله ایلگیلی و چوخ ریسک‌لی و اوزون بیر یول" دئدی.
ایلگیلی‌لی خبرلر
نوبل اؤدوللو پتر هیگز یاشامینی ایتیردی
۹۴ یاشینداکی هیگزین "قیسا بیر خسته‌لیگین آردیندان ائوینده دینجلیک ایچینده اؤلدوگو" ایفاده ائدیلدی
چین گؤزلم اویدوسونو اوزایا گؤندردی
"یائوگان-۴۲ ۰۱" اویدوسو، لانگ مارچ ۲د راکتی ایله سیچوان ایالتین‌ه‌کی شی‌چانگ اویدو مرکزیندن آتیلدی
