اینشتینین یازیلاری سرگیلندی
"آلمان سلاحلانماسی چوخ تهلوکه‌لی اولابیلر اما باش‌دا اینگیلیسلر اولماقلا آوروپانین قالانی مسئله‌نی جدیه آلیر"
نوبل اؤدوللو مشهور فیزیکچی آلبرت اینشتینین ال یازیسییلا یازدیغی ۱۱۰ سند ایلک دفعه ایسراییل‌ده‌کی قدس عبرانی اونیورسیته‌سین‌ده سرگیلندی.
آمریکا بیرلشمیش دؤولتلرینده یاشایان کراون گودمن عائله‌سی، آلمان فیزیک اینشتینین قلمه آلدیغی و داها اؤنجه یاییملانمادیغی قید اولونان ۱۱۰ سندی قدس عبرانی اونیورسیته‌سینه باغیشلادی.
اینشتینین ۱۴۰.جی دوغوم گونو سببیله ایلک دفعه گون اوزونه چیخاریلان سندلرده، مشهور بیلیمم آدامینین قلمه آلدیغی بیر سیرا علمی مقاله‌لرله یاناشی ۱۹۳۵ده اوغلو هانس آلبرته گؤندردیگی بیر مکتوب یئر آلیر.
ایکینجی دونیا ساواشین‌دان تخمیناً ۴ ایل قاباق، سوئیس‌ده یاشایان اوغلونا گؤندردیگی مکتوب‌دا اینشتین، آوروپادا باش وئره‌جک بیر ساواشدان اؤترو قایغیلی اولدوغونو بیلدیره‌رک،
"آلمانیادا دا ایشلرین دییشمه‌یه باشلادیغینا اینانیرام. بیرینجی آوروپا ساواشینین باشلانماماسینی اومود ائدک. آلمان سلاحلانماسی چوخ تهلوکه‌لی اولابیلر اما باش‌دا اینگیلیسلر اولماقلا آوروپانین قالانی مسئله‌نی جدیه آلیر". ایفاده‌لرینه یئر وئریر.
یهودی اصیل‌لی آلمان فیزیکچی آلبرت اینشتین، ۱۴ مارس ۱۸۷۹دا آلمانیانین اولم شهرین‌ده آنادان اولدو. ۲۰.جی عصرین ان اؤنملی قورامسال فیزیک‌چی‌سی کیمی تانیملانان اینشتین، نسبیت نظریه‌سینی گلیشدیرمیش، کوانتوم مکانیکی، ایستاتیستیکی مکانیک و کوزمولوژی ساحه‌لرینه اؤنملی قاتقیلار وئرمیشدی. نظری فیزیکه قاتقی‌لارین‌دن و فوتوالکتریک تأثیر حادثه‌سینه گتیردیگی آچیقلامادان دولایی اینشتین، ۱۹۲۱ده نوبل فیزیک اؤدولونه لاییق گؤرولموشدو.
