ایرباس، A380 اوچاق‌لاری‌نین اوره‌تیمینی دایاندیریر

اوروپا‌لی ایرباس، گئنیش گؤوده‌لی A380 سوپر جامبو اوچاق‌لاری‌نین اوره‌تیمینی "کیفایت طلب گلمدیگی" اوچون 2021ده دایاندیراجاغینی آچیقلاییب

ایرباس، A380 اوچاق‌لاری‌نین اوره‌تیمینی دایاندیریر

اوروپا‌لی ایرباس، گئنیش گؤوده‌لی A380 سوپر جامبو اوچاق‌لاری‌نین اوره‌تیمینی "کیفایت طلب گلمدیگی" اوچون 2021ده دایاندیراجاغینی آچیقلاییب.

شیرکت‌دن بیلدیریب‌لر کی، 2021ده A380 مودئلی اوچاغین سون دفعه اوره‌تیلیب تسلیم ائدیله‌جگی و اوره‌تیمین دایاندیریلاجاغی بیلدیریلیب.

آچیقلامادا فیکیرلرینه یئر وئریلن ایرباس قروپو اوست یؤنتیچیلری ( دیرکتور) توم اندرس، "بو گون بو آنونسو ائتمگیمیز بیزیم اوچون و قلوبال اولا‌راق A380 شریک‌لری اوچون آغری‌لی." ایفاده‌سینی ایستیفاده ائتدی.

ایرباس‌ین A380 تیپی اوچاق‌لارین ان بؤیوک موشتری‌سی اولان بیرلشمیش عرب امیرلیک‌لری مرکزلی Emirates هاوا یول‌لاری سیفاریش‌لرینی 162 اوچاق‌دان 123 اوچاغا سالدیغی بیل‌دیریلن آچیقلامادا، Emirates-ین A380لر یئرینه جمعده 70 عدد A330-900s  و A350-900s اوچون 21.4 میلیارد دو‌لار دگرینده یئنی آنلاشما ایمضالادیغی قئید ائدیلیب.

ایرباس‌ین 800دن آرتیق یولجو ظرفیتینه مالیک اوچاق، آمریکا‌لی اوچاق اوره‌تیمچی‌سی بوئینگ‌ین747 مودئلینه رقیب اولماسی اوچون اوره‌تیم ائدیلمیشدی.



ایلگیلی‌لی خبرلر