دی‌ان‌ای‌لر، نه قدر یاشایاجاغیمیزدان خبر وئریر
اوزمانلار، یاریم میلیون‌دان چوخ انسانین ژنتیک بیلگیلرینی و عائله‌لرینین یاشام مدتلری دگرلندیرمه‌یه آلدی
انسانلارین دی‌ان‌ای‌لرینه باخیلاراق نه قدر یاشایاجاقلارینا دایر ایپ‌اوجلاری الده ائده‌بیله‌جگی آچیقلاندی.
ساینس دیلی‌نین خبرینه گؤره، ادینبورگ اونیورسیته‌سی اﯗشر انستیتوسو متخصصلری، بیر پوئنله‌مه سیستمی گلیشدیرمک اوچون یاشام مدتی اوزرین‌ده تأثیرلی اولان مختلیف ژنتیک واریته‌لری آراشدیردی.
اینسان ژنومون‌دا ۱۲ بؤلگه‌نین، یاشام سوره‌سینه اؤنملی درجه‌ده تأثیر ائتدیگینی قطعی اولاراق تعیین ائد‌ن اوزمانلار، پوئنله‌مه اوچون یاریم میلیون‌دان چوخ انسانین ژنتیک بیلگیلرینی و عائله‌لرینین یاشام مدتلری دگرلندیرمه‌یه آلدی.
انسانلارین دی‌ان‌ای‌لرینه باخیلاراق یاشام سوره‌لرینه دایر ایپ‌اوجلاری الده ائده‌بیله‌جگینی ایفاده ائد‌ن متخصصلر، پوئنله‌مه‌ده، ایلک یوزده ۱۰آ گیره‌نلرین، سون یوزده ۱۰دا یئر آلانلاردان ۵ ایله قدر داها اوزون یاشایابیله‌جکلری نتیجه‌سینه واردی.
یاشام مدتی اوزرین‌ده‌کی ان تأثیرلی بؤلگه‌لرین، داها اؤنجه اورک راحاتسیز‌لیغی و سیگارلا ایلگی‌لی اؤلومجول خسته‌لیکلرله ایلیشکیلندیریلمیش اولدوغو ایفاده ائدیلدی.
آراشدیرمادا، بیرباشا سیگار چئکمکله باغلانتیلی اولمایان سرطان نؤوعلری ایله ایلیشکی‌لی ژنلرین نظره آلینمادیغی قید ائدیلدی. تاپقیلارین، یاشلانماقلا باغلانتیلی بیولوژیک مکانیزملر و خسته‌لیکلر حاقین‌دا دا یئنی آنلاییشلار قازانیلماسینی تامین ائتدیگی ایفاده ائدیلدی.
آراشدیرمانین نتیجه‌لری اینگیلتره طب آراشدیرما شوراسی و آکسا(AXA) آراشدیرما وقفی طرفین‌دن دستکلنه‌ن ائ-لایف(eLife) درگیسینده یاییملاندی.
ایلگیلی‌لی خبرلر
مارسین قابیغی یئرینکیندن داها قالیندیر
بیلیم اینسانلاری، مارس قابیغینین اورتالاما ۴۵ ایله ۵۶ کیلومتر قالینلیقدا اولدوغونو معین ائتدی
