باریش پیناری حرکاتی

آماچ حضور،
هدف ترور

عربیستانین ایلک روبات مأمورو

کیملیک یوخلاماسینی و اونا وئریلن دیگر وظیفه‌لری یئرینه یئتیره‌ن روبات، بؤیوک ماراق دوغوردو

عربیستانین ایلک روبات مأمورو

سعودی عربیستانین ایلک روبات مأمورو وظیفه‌سینه باشلادی.

کراللیغا باغلی بیر قوروم‌دا کیملیک یوخلاماسینی و اونا وئریلن دیگر وظیفه‌لری یئرینه یئتیره‌ن روبات، بؤیوک ماراق دوغوردو.

روباتین آیریجا تکنیک و مسلک تعلیم مرکزین‌ده تشکیل اولونان توپلانتییا قاتیلاراق میلی تحصیل باخانی احمد العیسی و قوروم مودورو احمد الفهید ایله دانیشماسی ماراق‌لی گؤرونتولر یاراتدی.

روبات مأمور، سیستمین‌ده یوک‌لو اولان الکترونیک حسابلاما پروگرامی ایله ایشله‌مه‌یه داوام ائد‌جک.

روباتین تکنیک و مسلک تعلیم مرکزین‌ده سرگییه گلنلره معلومات وئرمه خیدمتی وئره‌جگی و بعضی فعالیتلرده ایشتیراک ائدجگی آچیقلاندی.

سون تکنولوژی روبات موشتری خیدمتلری، سورغو یئریتمک و مئساژ چات‌دیرماق خصوصیتلرینه صاحب.

سعودی عربیستان کرال‌لیغی، وطنداشلارینین تکنولوژیک محصوللاردان ایستیفاده ائتمه‌لری اوچون سون واختلار یئنی بیر گیریشیم باشلاتدی.

میلی تحصیل باخانی العیسی، بو اویغولاما‌نین ۲۰۳۰ ایلی اصلاحات هدفلری ایستیقامتین‌ده آپاریلدیغینی ایفاده ائتدی.

سعودی عربیستان، نفته دایالی اقتصادین‌دا دییشیک‌لییه گئده‌رک اؤلکه‌نین گلیر قایناق‌لارینی تکنولوژیک ساحه‌لره آپارماغی هدفله‌یه‌ن سایی‌سیز پروژه باشلاتماغی آماجلاییر.

اؤزللیکله صونعی ذکا مسئله‌سین‌ده جدی آددیملار آتماغی پلانلاش‌دیران سعودی حکومت، مشهور هالیوود اولدوزو آدری هپبورنا فیزیکی اولاراق بنزه‌دیله‌ن یوکسک صونعی ذکایا صاحب روبات صوفیایا ۲۰۱۷.جی ایلده وطنداش‌لیق وئره‌رک بیر ایلکه ایمضا آتمیشدی.



ایلگیلی‌لی خبرلر